R'Bonney Gabriel

R'Bonney Gabriel
(2023) Irudi gehiago
Bizitza
Jaiotzako izen-deiturak	R'Bonney Nola Gabriel
Jaiotza	Houston, 1994ko martxoaren 20a (30 urte)
Herrialdea	Ameriketako Estatu Batuak
Bizilekua	Houston
Hezkuntza
Heziketa	University of North Texas ^(en)
Hezkuntza-maila	gradua
Hizkuntzak	ingelesa
Jarduerak
Jarduerak	modeloa eta edertasun lehiaketan parte-hartzailea
Altuera	170 zentimetro
Jasotako sariak	ikusi Miss Universe 2022 Miss USA 2022

R'Bonney Nola Gabriel (San Antonio, Texas, AEB, 1994ko martxoaren 20a) estatubatuar modeloa, moda-diseinatzailea, enpresaburua eta josketa-irakaslea da, edertasun lehiaketetan jardun duena. Ezaguna da Miss Unibertsoren 71. edizioko irabazlea izateagatik. 2023ko urtarrilaren 14an Miss Unibertso 2022 erregina izan zen, aurrez, Miss Texas AEB 2022 eta Miss AEB 2022.

Biografia

R'Bonney Nola Gabriel San Antonion jaio zen, Texasen (AEB), aita Remigio Bonzon «R'Bon» Gabriel filipinarra zuen, eta ama Dana Walkerestatubatuarra.^[1][2] Aita Filipinetako Manila hiriburuan jaio zen. Washington estatura joan zen 25 urte zituela, eta gero psikologian doktoretza lortu zuen Houston Unibertsitatean.^[3] Ama Beaumontekoa da.^[3]

Texasko Iparraldeko Unibertsitateko moda-diseinuko lizentziatura batekin graduatu zen Gabriel, zuntzetan espezializatua dago.^[4][5]

Gaur egun, modelo gisa eta arropa ekologikoaren diseinatzaile gisa egiten du lan, R'Bonney Nola arropa-markarekin.^[6] Irabazi-asmorik gabeko erakundeko (Magpies and Peacocks) josketa-irakasle ere bada.^[7]

Edertasun-lehiaketak

Miss Kemah 2020

Parte hartu zuen lehen edertasun lehiaketa Miss Kemah 2020 izan zen, non 5 finalista nagusien artean kokatu zen.^[8]

Miss Texas AEB 2021

Miss Harris County gisa lehiatu zen Miss Texas AEB 2021ean, eta lehen finalista amaitu zuen McAllengo Victoria Hinojosaren atzetik.^[9]

Miss Texas AEB 2022

Hurrengo urtean, berriz aurkeztu zen, Miss Friendswood bezala, Gabriel Miss Texas AEB 2022an lehiatu zen berriro, eta, azkenean, Victoria Hinojosa aurreko urteko irabazleak koroatu zuen. Hala, AEBko lehen Miss Texas AEB asiar-estatubatuarra bihurtu zen.^{[10][11][12][13]}

Miss AEB 2022

Ohiturari jarraituta, aurreko urteko erreginak, Kentuckyko Elle Smith, Miss AEB 2021ek koroatu zuen Miss AEB 2022 Gabriel eta 1962an Macel Wilsonek irabazi zuenetik, filipinar jatorria zuen lehena izan zen.^[14][15]

Miss Unibertso 2022

Miss Unibertso 2022ko lehiaketan Estatu Batuak ordezkatu zituen Miss AEB 2022 gisa. Ohi bezala, aurreko urteko Indiako Harnaaz Sandhu erreginak koroatu zuen Miss Universo 2022, eta AEBko bederatzigarren irabazlea izan zen, irabazle gehien zuen nazioa zela.^[16] Texas estatuko titulu hori lortu zuen bigarren emakumea izan zen, Miss Unibertso 1995 Chelsi Smithen ondoren, eta JKN garaiko lehen Miss Unibertso da.^[17] Halaber, Miss Unibertso erreginarik nagusiena izan zen— 18tik 28rako urte muga zegoen, 2023ko irailera arte desagertu ez zena — eta lehen filipinar- estatubatuarra.^[18]

Erreferentziak

1. «La modelo R'Bonney Nola Gabriel de Estados Unidos se corona como Miss Universo 2023» El Universal 2023-01-14.
2. Uceda, Queralt. (2023-01-15). «Quién es R'Bonney Gabriel, la estadounidense que ha ganado Miss Universo 2023» La Vanguardia.
3. ↑ Vergara, Alex. (2023-01-15). «Half-Filipino, half-American from Texas is new Miss Universe» PeopleAsia.
4. «R’Bonney Gabriel, a UNT graduate, crowned as the new Miss Universe» Dallas News 2023-01-15.
5. «Fashion Design alumna R'Bonney Gabriel wins Miss USA 2022» University of North Texas College of Visual Arts and Design.
6. Potestas, Clint Holton. (2023-01-26). «Miss Universe 2022 R’Bonney Gabriel Wants To Change The Way We Consume Fashion» Vogue Filipinas.
7. Perez, Mariane. (2023-01-15). «R’Bonney Gabriel Wins Miss Universe 2022» Vogue Filipinas.
8. Maines, Don. (2020-07-31). «Clear Falls cheerleader wins Miss Kemah Teen» Houston Chronicle.
9. Results – Miss – 2021 – Miss Texas USA & Miss Texas Teen USA. .
10. «For the first time, Texas represented by Asian American women in Miss USA and Miss America pageants» ABC News (Good Morning America).
11. Diaz, John. (2022-07-04). First Filipina crowned Miss Texas USA. KHOU-TV.
12. Chung, Gabrielle. (2022-10-07). «Miss USA 2022 R'Bonney Gabriel Responds to Allegation Her Win Was "Rigged"» E! Online.
13. Ramos, Jaleen. (2022-10-04). «Fil-Am beauty queen crowned Miss USA 2022» Manila Bulletin.
14. «R’Bonney Gabriel, representante de Texas, ganó Miss USA 2022» Metro Ecuador 4 de Octubre del 2022.
15. «Averie Bishop and R'Bonney Gabriel - win Miss USA, Miss America pageant» ManipurSana 2022-10-04.
16. «La estadounidense R’Bonney Gabriel se convirtió en la nueva Miss Universo tras una dura competencia» Infobae 15 de Enero del 2023.
17. Munce, Megan. (2023-01-15). «Houston's moon-wearing Miss USA, R'Bonney Gabriel, crowned Miss Universe» Houston Chronicle.
18. «¿Quién es R’Bonney Gabriel, la estadounidense que ha eclipsado la gala de Miss Universo?» HOLA 2023-01-15.

Kanpo estekak

Aurrekoa: Harnaaz Sandhu,  India	Miss Unibertso 2021	Hurrengoa: Sheynnis Palacios,  Nikaragua
Aurrekoa: Elle Smith	Miss USA 2022	Hurrengoa: Morgan Romano
Aurrekoa: Victoria Hinojosa	Miss Texas USA 2022	Hurrengoa: Allison Drake