Raffaele Esposito

Raffaele Esposito
Bizitza
Jaiotza	Napoli, ?
Herrialdea	Italiako Erresuma
Jarduerak
Jarduerak	sukaldariburua, okina eta sukaldaria

Raffaele Esposito Pizzeria di Pietro e Basta Cosi jatetxearen tabernaria izan zen XIX. mendean eta baita pizza modernoaren sortzaileetako bat.

Biografia

1889ko ekainean Italiako erregina Margarita Saboiakoak hilabeteko bisitaldia egin zuen Napolesera. Hiriko pizzen ospearen berri bazuen erreginak eta, horregatik, Raffaele Esposito garaiko pizzaiolorik ezagunenaren obrak dastatu nahi zituen^[1].

Sukaldaria Capodimonte jauregira eramanarazi zuten, erreginarentzat ahalik eta pizzarik onenak presta zitzan. Espositok hiru pizza laberatu zituen: bata olioarekin, bestea antxoekin eta hirugarrena tomatearekin, mozzarellarekin eta bizpahiru albahaka hostorekin. Margaritaren epaia positiboa izan zen: hirurak gustura jan zituen, baina gogokoena hirugarrena izan zen. Eta horregatik sortzaileak Pizza Margherita izena jarri zion bere lanari^[1].

Erreferentziak

1. ↑ Nagore Irazustabarrena, «Pizza erreginarentzat», Argia, 2014-11-16, CC-BY-SA lizentzia