Rhagium mordax

Rhagium mordax
Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Coleoptera
Familia	Cerambycidae
Leinua	Lepturini
Generoa	Rhagium
Espeziea	Rhagium mordax [[|]]

Rhagium mordax Cerambycidae familiako kakalardoa da, zientziarako De Geerrek 1775ean deskribatu zuena. Europa guztian aurkitzen da, hasi Iberiar penintsulatik eta Siberiaren mendebalderaino eta Kaukaso mendikateraino. Euskal Herrian ere agertzen da.^[1]

Deskribapena

Kakalardo ertaina da, 13-23 mm artean neurtzen du^[2]. Gorputzean kolore beltza eta hori-oliba koloreak nahasten dira, ale batzuk horixkagoak dira eta beste batzuk ilunagoak. Elitroetan zirkulu itxurako orbain beltz bana ikusten zaizkio. Gorputz osoa ile finez estalia du.^[3]

Burua nahiko handia du eta bego beltzak asko nabarmentzen zaizkio.

Habitata

Baso hostozabaletan bizi da, pagadietan bereziki. Konifero basoetan ere aurki daiteke.^[2]

Bizi zikloa

Bi edo hiru urtetako zikloa osatzen du. Helduak maiatza eta uztaila artean ikusten dira zuhaitzetan edo loreetan (Sorbus, Viburnum, Sambucus, Aruncus, Apiaceae...) pausatuta.^[2]

Enborretako azalaren azpian jartzen dituzte arrautzak, zuhaitz hil berrietan edo eroritako adarretan, eta bertan garatzen dira beldarrako. Bigarren hibernazioa burutu ondoren udaberri aldera enborraren barnean gelatxo zirkular bat egiten dute pupatzeko.^[2]

Parasitismoa

Ischnoceros rusticus izeneko liztor txiki batek parasitatzen du.^[4]

Iruditegia

• 
• 
• 

Erreferentziak

1. «EHAEko Coleoptera Catalogoa|Heteropterus» www.heteropterus.org (Noiz kontsultatua: 2023-09-09).
2. ↑ «Rhagium mordax» www.cerambyx.uochb.cz (Noiz kontsultatua: 2024-12-06).
3. «Rhagium mordax | UK Beetle Recording» www.coleoptera.org.uk (Noiz kontsultatua: 2024-12-06).
4. (Gaztelaniaz) «Rhagium mordax (DeGeer, 1775)» www.gbif.org (Noiz kontsultatua: 2024-12-06).

Kanpo estekak