San Frantzisko (Bilbo)

San Frantzisko
Euskal Herria
Mariaren Bihotza plaza
Kokapena
Herrialdea	Bizkaia
Udalerria	Ibaiondo
Geografia
Koordenatuak	43°15′22″N 2°55′45″W / 43.2561°N 2.9292°W / 43.2561; -2.9292
Azalera	0,16 km²
Demografia
Biztanleria	6.912 (2023)
Dentsitatea	40.659 bizt/km²

San Frantzisko Bilboko auzoa da, Ibaiondo barrutian dagoena eta "goi-aldeko auzoa" izena hartzen duena Zabala eta Bilbo Zaharrarekin batera.

Auzoak 6.713 biztanle eta 0,16 kilometro karratuko azalera dauka (2006an Bilboko udalak emaniko datuen arabera). Auzoak Bilbo Zaharrarekin eta Bilboko itsasadarrarekin egiten du muga. Bilbo Zaharra eta Atxurirekin batera Zazpikaleetatik kanpo garatu ziren errebaletako bat izan zen San Frantzisko.

Miribillako mehategien garapenarekin batera, hainbat langile etorri ziren auzora lan egin eta bizitzera. Mehategi horiek, San Luis, Malaespera eta Abandonada ziren. 1862ean Bilboko zabalgune proiektua oraindik aurkeztear zegoela, gauzatu ez zen zabalgune txiki baterako proiektua aurkeztu zen.

Abandoko elizatearen anexioarekin batera, XIX. mende eta XX. mendeen artean, auzoan etxebizitza ugari eraiki ziren, askotan halamoduzko materialak erabilita, eta inolako zerbitzurik gabe (urte askotan zehar etxe askok ez zuten komunik ezta sanemendu sistemarik izan).

1980ko hamarkadan auzoak degradazio handia pairatu zuen drogak, delinkuentzia, prostituzioa eta lotutako gaixotasunak zirela-eta, gaur egun arte horren guztiaren aztarnak mantenduz, askoz maila apalagoan. Historikoki immigrazio handiko tokia izanda, gaur egun ere etorkin kopururik handiena espainiar estatutik kanpokoa da.

Kalerik garrantzitsuenak

• San Frantzisko kalea.
• Maiatzaren 2a kalea.
• Hernani kalea.
• Bailén kalea.
• Gorteak kalea.

Zubiak

Zazpikaleekin Erribera eta Mesedeetako zubiek lotuta dago, eta Abandorekin Cantalojas zubiaren bidez.

Kultura

San Frantziskon liburutegi aipagarria eta hainbat kultura elkarte ditugu. Halaber, Bilborock-La Merced aretoa auzo honetan kokatuta dago, musika artxibategi daukana.

Bestalde, auzo honetako San Frantzisko kalean kokatzen da Bilboko Berreginen Museoa.

Mariaren Bihotza plazan aintzinako komentu baten arrastoak daude ikusgai, aparkaleku bat egiten hasi eta agertu zirenak.

San Frantsizko komentuaren arrastoak Mariaren Bihotza plazan

Ondasun nabarmenak

• La Ceres irin-lantegia, industria-ondarea.
• Bilboko Berreginen Museoa.

Bibliografia

• "El barrio de Las Cortes. Una historia de La Palanca bilbaina". Arturo Izarzelaia eta Txema Uriarte, 2007.

Kanpo estekak

Euskarazko Wikipedian bada atari bat, gai hau duena: Bilbo

• (Gaztelaniaz)(Ingelesez)"Barrios Altos" webgunea