Stenocorus meridianus

Stenocorus meridianus
Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Coleoptera
Familia	Cerambycidae
Leinua	Lepturini
Generoa	Stenocorus
Espeziea	Stenocorus meridianus Linnaeus, 1758

Stenocorus meridianus Cerambycidae familiako kakalardoa da, zientziarako Lineok 1758an deskribatu zuena. Europa guztian aurkitzen da, hasi Iberiar penintsulatik eta Siberiaren mendebalderaino eta Kaukaso mendikateraino^[1]. Euskal Herrian ere agertzen da.^[2]

Deskribapena

Kakalardo ertaina da, arrak 12-19 mm artean neurtzen du eta ema pixka bat handiagoa da, 17-27 mm artean. Sexu dimorfismoa agertzen du beraz^[3]. Gorputza nahiko luzatua dauka, eta elitroek triangelu luze baten itxura dute, aurrealdean zabalagoa eta muturrean punta zorrotzagoa eta borobildua duena. Emeak pronoto beltza izan ohi du eta arrak marroia. Elitroen kolorazioan aniztasun handia dago, marroi argiak, laranjak, marroi ilunak edota beltzak izan daitezke kakalardo helduak. Ile finak estaltzen du gorputza.^[3]

Habitata

Baso hostozabaletan aurkitzen dira, zumar, astigar eta haritzetan bereziki.^[3]

Bizi zikloa

Helduak maiatza eta uztaila artean ikusten dira hegan. Kalteturik edo gaixo dauden zuhaitzetan jartzen dituzte arrautzak eta handik jaioko diren beldarrak enborraren barnean garatzen dira. Pupa lurrean eratzen dute bigarren udaberria iristerakoan, izan ere bi edo hiru urtetako bizi zikloa osatzen dute.^[3]

Iruditegia

• 
  Ale beltza.
• 
  Ale laranja.
• 
  Ale marroia.
• 
  Bi koloretako alea.

Erreferentziak

1. «Fauna Europaea : Taxon Details» web.archive.org 2013-10-19 (Noiz kontsultatua: 2024-12-06).
2. «EHAEko Coleoptera Catalogoa|Heteropterus» www.heteropterus.org (Noiz kontsultatua: 2023-09-09).
3. ↑ «Stenocorus meridianus» www.cerambyx.uochb.cz (Noiz kontsultatua: 2024-12-06).

Kanpo estekak