Suillus spraguei

Suillus spraguei
Irudi gehiago
Sailkapen zientifikoa
Erreinua	Fungi
Klasea	Agaricomycetes
Ordena	Boletales
Familia	Suillaceae
Generoa	Suillus
Espeziea	Suillus spraguei Kuntze, 1898
Basionimoa	Boletus spraguei
Mikologia
poroak himenioan   txapel ganbila   himenioa dekurrentea da   hankak eraztuna dauka   espora oliba-arreak dauzka   mikorrizak eratzen ditu   jateko bikaina da Oharra: ez fidatu soilik orri honetan ematen diren datuez perretxiko bat identifikatzeko orduan. Inolako zalantzarik izanez gero, kontsultatu aditu batekin.

Suillus spraguei Suillaceae familiako onddo espezie bat da.

Sinonimoak: Boletus pictus, Boletus spraguei (Basionimoa), Boletus murrayi, Boletinus pictus, Suillus pictus, Suillus murrayi.

Deskribapena

Kapela: 3 eta 7 cm bitarteko diametrokoa, kanpai itxurakotik ganbilera ertza beherantz biribildua luzaroan, gero zabalduagoa eta erdian titi baten aztarnekin, hasieran gorri-ardo kolorekoa, garatzen diren heinean iluntzen diren ezkata-flokoso-fibrilatu apaingarri ikusgarriengatik, arre-gorrixkak hondo horixka batean. Ertzak beti errezel zuriaren feltrodun aztarnak darama.

Tutuak: Hori-urre kolorekoetatik arrera doan kolorekoak, ez oso luzeak, eta oinean luzatuak.

Poroak: Zabal samarrak, poligonalak, normalean erradialki apur bat luzangak, hori-urre kolorekoak, ukitzean arrexkak.

Hanka: Zilindrikoa, pixka bat borra formakoa, eraztun flokoso zuri batekin, eraztunetik gora horia, eta hondo horian kapela bezala apaindua. Betea.

Haragia: Horixka gorritzeko joerarekin. Usain eta zapore nabarmenik gabe.^[1]

Etimologia: Pictus epitetoa latinetik dator, margotua esan nahi duen “pictus” hitzetik.

Jangarritasuna

Jangarria.

Nahasketa arriskua

Suillus lakei eta Suillus tridentinus oso antzekoak dira. Oso urria. Amerikarra da baina Europan ere zabaldua.

Sasoia eta lekua

Batez ere pseudotsuga azpian, baina baita Pinus strobus-en eta beste espezie batzuen azpian ere.

Banaketa eremua

Batez ere Ekialdeko Kanada eta Ameriketako Estatu Batuak. Mexiko, Kolonbia, Alemania, Errusia, Himalaiako eremua, Hego Korea, Japonia, Taiwan.^[2]

Erreferentziak

1. (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 485 or. ISBN 84-282-0887-5 (T. 4). ISBN: 84-282-0538-8 (O.C.)..
2. Suillus spraguei: GBIF—the Global Biodiversity Information Facility.

Kanpo estekak