Sumendi-lepoa edo tapoi bolkanikoa (ingelesez neck) jatorri bolkanikoaren erliebeko forma bitxia da. Lepoak laba-kolada zain batean edota krater batean hoztu egiten denean sortzen dira. Berez, bloke angeludunen multzoak dira, sumendiren tximinian gogortuak, eta sumendiaren beraren konoak baino masa gehiago dute. Haren konposizioaren ondorioz, erosioari aurre egiten diote eta, kono desagertzen denean, lepoa xut gelditzen da. Erakusten duten itxura bereziaren ondorioz, sarritan, mitologiarekin eta erlijioarekin lotu izan zaie.