Susan Abulhawa

Susan Abulhawa
(2010) Irudi gehiago
Bizitza
Jaiotza	Kuwait, 1970eko ekainaren 3a (54 urte)
Herrialdea	Ameriketako Estatu Batuak  Palestina
Hezkuntza
Heziketa	Hego Carolinako Unibertsitatea Pfeiffer Unibertsitatea
Hizkuntzak	ingelesa
Jarduerak
Jarduerak	eleberrigilea, idazlea, kazetaria eta giza eskubideen aldeko ekintzailea
Lan nabarmenak	ikusi Mornings in Jenin ^(en)

Susan Abulhawa (hizkuntza arabiarrean: سوزان أبو الهوى ) Jerusalemgo errefuxiatu-eremu palestinar batean 1970eko ekainaren 3an jaioa. Kazetaria, letra-emakumea eta giza eskubideen aldeko ekintzailea da. Bera da "Goizak Jeninen" eleberri arrakastatsuaren egilea, Ekialde Hurbileko fikziozko historiaz ari delarik bertan.

Biografia

Jerusalemgo guraso palestinarren errefuxiatu-esparru batean jaio zen. Hainbat herrialde arabiarretan bizi ondoren, 13 urterekin Estatu Batuetara emigratu zuen. Hego Carolinako Unibertsitatean Zientzia Biomedikoak ikasi zituen eta jarduera-arlo horretan lan egiten du.^[1]

2001ean gobernuz kanpoko erakunde bat sortu zuen, Playgrounds for Palestine (Palestinako jolas-gunea), errefuxiatuen kanpamentuetan haur-parkeak eraikitzeko. 2002an, Jeningo errefuxiatu-esparrua bisitatu zuen nazioarteko begirale gisa, Israelgo Defentsa Indarren urte horretako Defentsa Ezkutuaren ondorioz. Bere literatur bokazioa funtsezkoa da Ekialde Hurbileko egonaldi honetan, nobelagintzaren bidez Palestinako biztanleen historia mingarria kontatzeko eta egoeren krudelkeria ulertarazteko borondatearekin.^[2] Halaber, Edward Said estatubatuar palestinarraren pentsamenduak eragina izango du, Palestinako gertakarien narrazio palestinarraren beharraz aritzeko.^[1]

Yardleyn bizi da, Pensilvanian. Kazetaritzan ere aritzen da, eta Estatu Batuetako eta nazioarteko hainbat egunkaritan argitaratzen du. Horrekin batera, zenbait antologiari laguntzen die, eta eleberriak idazten ditu. Mornings in Jenin (Goizak Jeninen) nobela horietako lehena 2006an kaleratu zuten, The Scar of David izenburupean. Nazioarteko bestseller bihurtzen da, 30 hizkuntzatara itzulia. Familia baten historia marrazten du hainbat belaunalditan, Israel-Palestinako gatazkaren testuinguruan.^[3]

Bigarren eleberria, The Blue Between Sky And Water, 19 hizkuntzatan saltzen da, merkaturatu aurretik ere. Erresuma Batuan argitaratu zen, 2015eko ekainaren 4an, eta Estatu Batuetan argitaratu zen, 2015eko irailaren 1ean.^[3]

Argitalpen nagusiak

• Shattered Illusions, Amal Press, 2002.
• Searching Jenin, Cune Press, 2003.
• The Scar of David, Roman, Journey Publications, 2006.
• Mornings in Jenin, Bloomsbury, 2010. Roman, The Scar of Daviden berrargitalpena.
• Seeking Palestine: New Palestinian Writing on Exile and Home, Interlink Publishing, 2012.
• My Voice Sought The Wind, Just World Books, 2013. Olerkiak
• The Blue Between Sky and Water, Bloomsbury, 2015.

Erreferentziak

1. ↑ Jondot 2013, 33 orr. .
2. Hammad 2010, Al Jazeera.
3. ↑ Levy 2015, Haaretz.

Bibliografia

• Jondot, Jacqueline (2013). «Abulhawa, Susan [Palestine 1967]». Le dictionnaire universel des créatrices (en francés). Éditions des femmes. p. 33. 
• Hammad, Sousan. (2010). «A culture of exchange or elitism?» Al Jazeera.
• Levy, Gideon. (2015). «The Americans Who Aren't Allowed to Visit Israel» Haaretz..

Kanpoko loturak

• Barrot, Olivier. (2008). «Les Matins de Jénine, de Susan Abulhawa» France Culture.
• Anjali, Joseph. (2010). «Mornings in Jenin, By Susan Abulhawa» The Independent.
• Barr, Nicola. (2011). «Mornings in Jenin, By Susan Abulhawa» The Guardian.
• Orford, Margie. (2015). «The Blue Between Sky and Water by Susan Abulhawa, book review: Powerful plea for Palestine» The Independent.