Tobias Furneaux

Tobias Furneaux
Irudi gehiago
Bizitza
Jaiotza	Plymouth, 1735eko abuztuaren 21a
Herrialdea	Britainia Handiko Erresuma
Heriotza	Plymouth, 1781eko irailaren 18a (46 urte)
Hezkuntza
Hizkuntzak	ingelesa frantsesa
Jarduerak
Jarduerak	esploratzailea, naturalista, itsasturia eta kartografoa
Zerbitzu militarra
Adar militarra	Royal Navy
Gradua	ontzi-kapitain

Tobias Furneaux kapitaina (1735eko abuztuaren 21a - 1781eko irailaren 18a) nabigatzaile ingelesa eta Royal Navyko ofiziala izan zen, James Cookekin batera bere esplorazio bigarren bidaian. Mundua bi norabidetan zirkumnabigatu zuen lehenengo gizona, eta, geroago, Ameriketako Estatu Batuen Independentzia Gerraren garaian britainiar ontzi baten burua izan zen.

Biografia

Furneaux Swillyn jaio zen, Plymouthetik gertu, Swillyko William Furneaux-ren (1696-1748) eta Susanna Wilcocksen (1698-1775) semea. Royal Navyn sartu zen eta frantziar eta Afrikako kostaldeetan eta Antilletakoetan okupatu zuten Zazpi Urteko Gerran (1760-1763). HMS Dolphineko bigarren teniente izan zen Samuel Wallis kapitainaren atzetik, mundu osoko bidaian (1766ko abuztua - 1768ko maiatza) eta Wallis gaixo zegoelarik eta bere kabinara mugatuta zegoela, Furneaux lehenengoa izan zen Tahitin oinak ipiniz, banderatxoa goitituz, soropil bat biratuz eta lurraldeaz jabetuz bere erregearen izenean (1767ko ekainaren 25ean)

Cookekin zerbitzuan

1771ko azaroan, Furneauxi Adventuren burua eman zioten, James Cook (Resolutionean) lagundu zuena, bere bigarren bidaian. Espedizio horretan, Furneaux bere buruzagitik birritan banatu zen (1773ko otsailaren 8tik maiatzaren 17ra, eta 1773ko urriaren 22tik 1774ko uztailaren 14ra, Ingalaterrara itzuli zenean). Lehenengoan, Van Diemenen Lurraldeko (orain Tasmania) hego eta ekialdeko kostaldeko zati handiak esploratu zituen eta bertako lehenengo mapa britainiarra egin zuen. Bere izenak hemen bizirik diraute; Cookek, bere hirugarren bidaian, kostaldeko linea bisitatu zuenean, Furneaux-ren kontaketa eta haren delineazioa berretsi zituen, zenbait kritika eta aldaketa txikirekin, eta Furneaux uhartedia izenaz beragatik izendatu zuen Bass itsasarteko ekialdeko sarreran, eta gaur egun Tuamotu izenaz ezagutzen den uhartedia.

Adventure, azkenik, Zeelanda Berriko uretan Resolutionetik bereizi ondoren, 1773ko urrian, Furneaux etxera itzuli zen bakarrik, Ulaieteako (Raiatea) Omai-rekin batera. Britainia Handira bidaiatu zuen Hegoaldeko Itsasoetako lehen bertakoa Tahitira itzuli zen Cookekin 1776-1777an.

Azken aginduak

1780an, Furneaux kapitain bihurtu zen. Ameriketako Estatu Batuen Independentzia Gerran, Syrenen burua izanik 1776ko ekainaren 28an britainiar erasoa egin zuen Charlestonen (Hego Carolina). Syren, Furneaux komandantea izanik, Point Judith (Rhode Island) inguruan 1777ko azaroaren 6an hondoratu egin zuten. Rhode Islandeko Itsas Arkeologia Proiektua (RIMAP) iraultza amerikarraren Syren jardueren historia zehatza argitaratu du, baita galtzearen inguruko jatorrizko dokumentuak ere, azaroaren 6a data zuzena bezala baieztatuz. Azaroaren 10erako, Furneaux eta bere tripulatzaileak Providencen presoak ziren, geroagoko trukean zain.