Txernihiveko ogi-ilarako erasoa

Txernihiveko ogi-ilarako erasoa
Irudia
Motamasa hilketa
gerra krimen
Honen parte daTxernihiveko setioa
(Ukrainako inbasioa)
Data2022ko martxoaren 16a
10:00k inguru (UTC+3)
KokalekuTxernihiv, Txernihiv Oblasta (Ukraina)
HerrialdeaUkraina
HelburuTxernihiveko zibilak
Pertsona hilak14[1]
Erantzule Errusia

Txernihiveko erasoa –edo, zehatzago, Txernihiveko ogi-ilarako erasoa– 2022ko martxoaren 16an, AEBek Kieven duten enbaxadaren arabera, Txernihiven (Ukraina) gertatutako Errusiako indarren eraso bat izan zen, non, gutxienez, hamar zibil hil ziren, ilara batean, ogia erosteko zain zeudenean.[2][3] Ostean, heriotz-kopurua 13ra igo eta,[4][5] bigarrengo zuzenketa batetan, 14ra igo zen.[1]

Testuingurua

[aldatu | aldatu iturburu kodea]
Sakontzeko, irakurri: «Txernihiveko setioa» eta «Txernihiveko bonbardaketa»

Errusiako indarrek Txernihiv hiri ukrainarra erasotu dute 2022ko otsailaren 24tik, Errusiak Ukraina inbaditu zuenean.[6] Hiriaren gudu eta osteko setioak galera zibil handiak eragin zituzten; hala, esaterako, martxoaren 3ko bonbardaketa batek 47 pertsona hil zituen.[7] Hala, martxoaren 10etik, hiria setiaturik dago.[8]

Erasoa

[aldatu | aldatu iturburu kodea]

Gertaera, Txernihiveko setiioaren testuinguruan gertatutakoa, Viatxeslav Txaus-ek, Txernihiv Oblasteko Gobernadoreak, salatu zuen, baita AEBek Kieven duten enbaxadak ere. Ukrainako telebistan Txausek adierazi zuenez, bonbardaketa "ez da gertat[utako] lehena, ezta etsaiak zibilen aurka egindako lehen bonbardaketa ere".[9] Txausek erasoa aire-erasoa zela esan zuen bitartean, Estatu Batuetako enbaxadak esan zuen pertsonak "tirokatu eta hil" egin zirela.[3][10] Hasiera batean, gertakarian 10 pertsona hil zirela jakinarazi zen.[9][3][10] Hala ere, hildakoen kopurua 13 pertsonara igo zen ondoren,[5] bai eta 14 pertsonara geroago, Ukrinformek jakinarazi zuenez.[1] Gertakaria goizeko 10:00ak aldera izan zen, UTC+3, non biktimak artilleria astunak jaurtitakoaren leherketa baten ondorioz hil ziren.[11] Zibil horiek armarik gabe zeuden, eta haietako batzuk bonbardaketatik bizirik atera ziren; azken horiek, Txernihiveko polizien laguntzaz, osasun-zentroetara eramanak izan ziren.[12]

Erasoan Minnesotako 67 urteko estatubatuar bat hil zen.[13] Gizonaren familiak sare sozialetan esan zuen bera eta beste bederatzi pertsona "frankotiratzaile militar errusiarrek hil" zituztela, "Udaltzainek haren gorpua kalean aurkitu aurretik".[14] Txernihiveko poliziak eta Estatu Batuetako Estatu Departamentuak estatubatuar baten heriotza baieztatu zuten.[15] Pertsona hori James Whitney Hill zen, eta Irynarekin, ukrainar herritar batekin, ezkonduta zegoen. Horregatik, uko egin zion Ukraina uzteari, nahiz eta AEBek bere herritarrei dei egin, gerra hasi zenean herrialdetik ihes egin zezaten. Hill ingeleseko irakaslea zen, Txernihiven eta sare sozialetan, "Jimmy Hill" bezala ezaguna.[16]

Erreakzioak

[aldatu | aldatu iturburu kodea]

Gertakaria jazo eta lau ordu ingurura, Txernihiveko Eskualdeko Fiskaltzak kasu legal bat aurkeztu zuen erasoarekin lotuta. Ukrainako Segurtasun Zerbitzuko Txernihiv Oblasteko adarrak ere ikerketa bat hasi zuen.[11]

Errusiako Defentsa Ministerioko bozeramaile den Igor Konaxenkov maior jeneralak esan zuenez, "Txernihiven hildako zibilen irudiak, ustez militar errusiarrek hil zituztenak, "Kieveko erregimenaren" propaganda-hedabide guztietan banatu ziren, non hildako guztiak, ustez, ogia erosteko ilaran zeudela adierazten zen." Ostean, Errusia erasoaren erantzule ez zela baieztatu zuen ere: "Azpimarratu nahi nuke Txernihiven ez zegoela militar errusiarrik".[17]

Erreferentziak

[aldatu | aldatu iturburu kodea]
  1. ↑ a b c «Ворог накрив артилерією Чернігів, серед загиблих - американець» web.archive.org 2022-03-17 (Noiz kontsultatua: 2022-03-19).
  2. ↑ (Ingelesez) staff, T. O. I.; Agencies. «10 people killed waiting in bread line in Ukraine; US embassy demands accountability» www.timesofisrael.com (Noiz kontsultatua: 2022-03-18).
  3. ↑ a b c (Ukraineraz) Суспільне. (2022-03-16). «У Чернігові окупанти обстріляли людей, які стояли в черзі за хлібом» Суспільне | Новини (Noiz kontsultatua: 2022-03-18).
  4. ↑ (Ingelesez) «Attacks on Mariupol theatre, pool sheltering ‘hundreds’ of people» www.aljazeera.com (Noiz kontsultatua: 2022-03-19).
  5. ↑ a b (Ingelesez) Hughes, Chris; Williams, Kieren; Thrower, Antony. (2022-03-16). «13 innocent civilians massacred by Russian troops as they queued for bread» mirror (Noiz kontsultatua: 2022-03-19).
  6. ↑ «Війна в Україні: окупанти продовжують здаватися в полон ЗСУ | Новини на Gazeta.ua» web.archive.org 2022-02-25 (Noiz kontsultatua: 2022-03-19).
  7. ↑ (Ingelesez) Reuters. (2022-03-04). «Death toll from Russian air strikes on Chernihiv city rises to 47, local authorities say» Reuters (Noiz kontsultatua: 2022-03-19).
  8. ↑ (Ingelesez) CNN. (2022-03-10). «Russian forces have moved about 3 miles closer to Kyiv and Chernihiv is now "isolated," US defense official says» CNN (Noiz kontsultatua: 2022-03-19).
  9. ↑ a b (Ingelesez) CNN. (2022-03-16). «People in line for bread in Ukrainian city of Chernihiv killed by Russian shelling, regional official says» CNN (Noiz kontsultatua: 2022-03-19).
  10. ↑ a b (Ingelesez) «U.S. embassy says Russian troops "shot and killed 10 people standing in line for bread" in northeast Ukraine» www.cbsnews.com (Noiz kontsultatua: 2022-03-18).
  11. ↑ a b «У Чернігові росіяни обстріляли людей, які стояли в черзі за хлібом: як мінімум 10 загиблих» web.archive.org 2022-03-17 (Noiz kontsultatua: 2022-03-19).
  12. ↑ (Ukraineraz) «Нові обстріли Чернігова: є жертви і поранені, серед загиблих - громадянин США» Українська правда (Noiz kontsultatua: 2022-03-19).
  13. ↑ (Ingelesez) Singh, Kanishka; Lewis, Simon. (2022-03-18). «U.S. citizen killed in Ukraine while waiting in bread line, family says» Reuters (Noiz kontsultatua: 2022-03-19).
  14. ↑ (Ingelesez) «Jimmy Hill, American killed in Ukraine, "gunned down" in bread line: Family» Newsweek 2022-03-17 (Noiz kontsultatua: 2022-03-19).
  15. ↑ (Ingelesez) «American among civilians killed in Russian attack in Ukraine» AP NEWS 2022-03-17 (Noiz kontsultatua: 2022-03-19).
  16. ↑ (Ukraineraz) «У Чернігові в черзі по хліб загинув американець Джиммі Хілл, який залишився в місті з хворою дружиною» novynarnia.com 2022-03-17 (Noiz kontsultatua: 2022-03-19).
  17. ↑ (Ingelesez) CNN. (2022-03-16). «People in line for bread in Ukrainian city of Chernihiv killed by Russian shelling, regional official says» CNN (Noiz kontsultatua: 2022-03-18).


Kanpo estekak

[aldatu | aldatu iturburu kodea]