Vicente Espinel

Vicente Espinel
Irudi gehiago
Bizitza
Jaiotzako izen-deiturak	Vicente Gómez Martínez-Espinel
Jaiotza	Ronda, 1550eko abenduaren 28a
Herrialdea	Espainia
Heriotza	Madril, 1624ko otsailaren 4a (73 urte)
Hezkuntza
Heziketa	Salamancako Unibertsitatea
Hizkuntzak	gaztelania
Jarduerak
Jarduerak	poeta, gitarra-jotzailea, musikagilea, idazlea, itzultzailea eta apaiza
Genero artistikoa	sound poetry ^(en) antzerkia
Musika instrumentua	gitarra
Sinesmenak eta ideologia
Erlijioa	Erromatar Eliza Katolikoa

Vicente Gómez Martínez-Espinel (Ronda, 1550eko abenduaren 28a - Madril, 1624ko otsailaren 4a) espainiar musikari, poeta eta eleberrigilea izan zen. Salamancan ikasi zuen, eta Flandrian eta Italian gerran ibili zen. Aljeriako piratek preso eduki ondoren, etxeratu eta apaiztu egin zen. Bihuelari bosgarren soka gaineratu zion (autore batzuen arabera, ez da hain ziurra), eta espinela izena hartu zuen hamar bertsoko ahapaldi-mota asmatu zuen. Relaciones de la vida del escudero Marcos de Obregón obrari zor dio fama. Garai hartako Espainiako bizimoduaren zertzelada garbiak jaso zituen bertan.

Lope de Vega haren ikasleetako bat izan zen, eta haren aipamena egin zuen eta laudoriozko hitzak izan zituen El laurel de Apolo lanean edo La viuda valenciana lanaren hitzaurrean. Espinel Cervantesen, Góngoraren eta Quevedoren laguna izan zen.

Kanpo estekak

Wikimedia Commonsen badira fitxategi gehiago, gai hau dutenak: Vicente Espinel

• (Gaztelaniaz) Vicente Espineli buruzko web-orria

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/28 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.