Xako

Xako
txota eta kapela militarra

Xakoa (hungarieraz: csákó; "bisera") kapela militar mota bat da, kono-enbor formakoa eta biseraduna. Askotan feltrozkoa izaten da. Aurrealdean plaka apaingarri izan ohi du, eta luma edo borla bat goialdean.[1]

XVIII. mendean, hungariar husarren uniformearen parte zen. XIX. mendearen hasieratik aitzina, ohikoa bilakatu zen Europako eta Ameriketako armada anitzetako erregimentuetan, askotan bikornioa ordeztuz. XIX. mendearen erdialdetik aurrera, baztertuz joan zen, eta gaur egun, zeremonia-uniforme batzuetan baino ez da erabiltzen.

Era honetako kapelak erabiltzen dituzte Lapurdiko, Nafarroa Behereko eta Luzaideko dantza taldeetako makilariek.[2]

Erreferentziak

[aldatu | aldatu iturburu kodea]
  1. ↑ Shako. hatguide.co.uk (Noiz kontsultatua: 2024-11-12).
  2. ↑ Truffaut, Thierry. Makilaria. Enciclopedia Auñamendi [en línea], 2024, aunamendi.eusko-ikaskuntza.eus (Noiz kontsultatua: 2024-11-12).

Kanpo estekak

[aldatu | aldatu iturburu kodea]