Xylota segnis

Xylota segnis
Sailkapen zientifikoa
ErreinuaAnimalia
FilumaArthropoda
KlaseaInsecta
OrdenaDiptera
FamiliaSyrphidae
GeneroaXylota
Espeziea Xylota segnis
Linnaeus, 1758
Eguneko zikloaeguneko

Xylota segnis sirfidoen familiako intsektua da.

Izena

[aldatu | aldatu iturburu kodea]

Xylota izenak "zurezkoa" esan nahi du grezieraz eta segnis izenak "alferra" latinez. Zuraren koloreko intsektu alferra esan nahi du, izan ere intsektu hau hostoetan edo enborrean pausatuta ikusten baita eta nekez ikusten da hegan[1].

Deskribapena

[aldatu | aldatu iturburu kodea]

10-14 mm inguruko luzera du eta 7-9,5 mm-ko hegalak. Begi handiak ditu, marroi-gorrixka kolorekoak, eta toraxa gris-berdexka da eta ile hori txiki ugari ditu. Abdomena luzea eta estua da, beltza oinarrian eta orban gorrixka zabala du[2].

Hankak beltzak eta horiak dira txandakatuta.

Bizi zikloa

[aldatu | aldatu iturburu kodea]

Bi edo hiru belaunaldi izan ditzake urtean zehar. Helduak apirila eta iraila artean ikusten dira eta hostoen gainazaleko polen anemofiloaz elikatzen dira[3]. Ez dira loreetan ikusten.

Beldarrak deskonposatzen ari den zuhaitzen izerdiaz elikatzen dira. Gizakiaren izerdiaz elikatzen ere ikusi izan dira. Beldar egoeran hibernatzen dute eta udaberrian eratzen da pupa.

Habitata eta banaketa

[aldatu | aldatu iturburu kodea]

Eremu paleartikoan[4] eta neartikoan[5] hedaturik dago. Europatik hasi eta Errusian barrena Japoniaraino iristen da, eta Kanada ekialdean eta Estatu Batuetako ipar-ekialdean ere bizi da.

Basoetan zuhaitzen azpiko sasietan aurkitzen da[2].

Iruditegia

[aldatu | aldatu iturburu kodea]
  • Arra.
    Arra.
  • Emea.
    Emea.
  • Begi konposatuak.
    Begi konposatuak.
  • Hostoetan pausatuta ikusi ohi da.
    Hostoetan pausatuta ikusi ohi da.

Erreferentziak

[aldatu | aldatu iturburu kodea]
  1. ↑ Johann Wilhelm Meigen. (1822). Systematische Beschreibung der bekannten Europäischen zweiflügeligen Insekten. Dritter Theil, Aachen, 211 or..
  2. ↑ a b Coe, R.L.. (1953). Diptera: Syrphidae. Handbks.ident.Br.insects 10(1):. R.ent.Soc.London, 1-98 or..
  3. ↑ Rotheray, Graham E.; Gilbert, Francis. (2011). The Natural History of Hoverflies. . Tresaith: Forrest Text, 1-348 or. ISBN 978-0956469212..
  4. ↑ Peck, L. V.. (1988). Catalogue of Palaearctic Diptera. Syrphidae. Vol. 8. Amsterdam: Elsevier Science Publishers, 363 or. ISBN 0-444-98932-3..
  5. ↑ Vockeroth, J. R.. (1992). The Flower Flies of the Subfamily Syrphinae of Canada, Alaska, and Greenland (Diptera: Syrphidae). Part 18. The Insects and Arachnids of Canada. Ottawa, Ontario: Canadian Government Pub Centre, 1-456 or. ISBN 0-660-13830-1..

Kanpo estekak

[aldatu | aldatu iturburu kodea]