Ziortza Isasi

Ziortza Isasi
	2022 Irudi gehiago
Bizitza
Jaiotza	Elorrio, 1995eko abuztuaren 5a (29 urte)
Herrialdea	Bizkaia, Euskal Herria
Hezkuntza
Hizkuntzak	gaztelania; euskara
Jarduerak
Jarduerak	txirrindularia
	Parte-hartzailea 2019 in women's road cycling (en) (867.); 2020 in women's road cycling (en) (742.); 2021 in women's road cycling (en) (661.); 2022 in women's road cycling (en) (935.); 2023 in women's road cycling (en) (1.314.) ;

Ziortza Isasi Cristobal (Elorrio, Bizkaia, 1995eko abuztuaren 5a) bizkaitar txirrindularia da.^[1]^[2] Errepidean eta pistan aritzen da.^[3] 2020tik 2022ra Eneicat-RBH taldean aritu zen.^[4] 2023ko urtarrilean Be Pink Italiako taldeagaz urtebeterako sinatu zuen kontratua, errepidea eta pista uztartzen jarraituko du. Espainiako pistako selekzioagaz kontzentratu da Portugalen eta urteko lehenengo lasterketa urtarrilean bertan Anadiako (Portugal) belodromoan.^[5]

Biografia

Ziortza Isasi Cristobal Isasi Elorrion jaio zen 1995eko abuztuaren 5ean. Gurasoak Jose Maria Isasi (Elorrio) eta Maria Sol Cristobal (Durango) dira. Neba-ahizpa nagusiagoak ditu, Eneritz eta Andoni.

16 urtera arte Elorrioko Lourdesko ama ikastetxean ikasi zuen. Batxilergoa Durangoko Maristak ikastetxean. Goi mailako zikloak, Kirola Eibarren eta Haur Hezkuntza Durangoko Ibaizabal ikastetxean egin ondoren UNEDen Gizarte hezkuntza.

Hainbat kirol praktikatu ditu, baina batez ere, saskibaloia eta txirrindularitza. 8 urte zituela hasi zen Elorrioko txirrindularitza eskolan.

Lepauztai ebakuntza eta jarraipena

2022ko martxo amaieran Elorrioko txirrindulariak lepauztaia apurtu zuen eta ebakuntza-gelatik pasa behar izan zuen. Eneicat taldeko txirrindulariak gogor egin zuen lan txapelketara ahalik eta mailarik onenean heltzeko. Abuztuaren 5ean Ziortza Isasik 3. postua lortu zuen 6 Giorni Delle Rose Espainaiko selekzioarekin taldeko kanporaketan.^[6] Ekainaren 17an, Basque Teameko txirrindulariak 24. postuan amaitu du Municheko Europako Txapelketako erlojupekoa. 34:49.63ko denborarekin (+3:50). Marlen Reusser suitzarrak irabazi du urrea eta titulua berretsi du, Ellen Van Dijk holandarrak zilarra poltsikoratu du eta Riejanne Markus herrikideak brontzea.^[7] Ekainaren 24an Mallorcan jokatutako Erlojupeko Espainiako Txapelketa lasterketan Isasik bosgarren denborarik onena egin zuen eta podiumetik 35 segundora gelditu zen. Txapelketa Mavi Garcíak irabazi du, bigarren Sheyla Gutiérrez sailkatu da eta hirugarren Sandra Alonso.^[8]

2022ko irailean urrezko domina bat eskuratu zuen Espainiako Txapelketako bakarkako jazarpenean Luis Puig belodromoan (Valentzia); scratch proban, ostera, laugarren postua eskuratu zuen.^[9] Bigarren domina Kanporaketa proban lortu zuen, hirugarren postua eta brontzezko domina irabazi baitzuen. ^[10]

2023ko Espainiako Txapelketak Valentziako Luis Puigen egin ziren. Ekainaren 9an scratch proban zilarrezko domina jaso zuen Laura Rodriguezen atzetik heldu baitzen. Ekainaren 11n puntuaketan aztertuta, Espainiako 2023ko Txapelduna izan zen.^[11]

2024 hasieran Eneritz Iturrigaetxebarriak zuzentzen zuen Abadiño Cicling Akademiarekin jardungo zuela iragarri zen.^[12]

2024ko otsailean domina bi lortu zituen pistako Espainiako Txapelketan: urrezko domina bakarkako jazarpenean eta zilarrezkoa scratch proban.^[13]

2024ko uztailean eroriko gogor baten ostean, kirofanotik pasatu zen. Urte bereko urriaren16tik 20ra Ballerupeko (Danimarka) belodromoan jokatu ziren pistako munduko txapelketetan parte hartu zuen. Durangaldeko Eustrak-Euskadi taldeko txirrindulariak taldekako jazarpen proban jardun zuen.^[14]

Taldeak

Talde hauexetan aritu da: ^[15]

2024 Abadiño Cicling
2023 Be Pink (Italia)^[5]
2022 Eneicat-RBH (UCI)
2021 Eneicat-RBH (UCI)
2020 Eneicat-RBH (UCI)
2019 Eneicat
2018 Eustrak-Euskadi
2017-: Lointek
2015: BZK Emakumeen Bira

Lorpenak

Sariak

2022 Laugarren postua Espainiako Txapelketako omnium proban^[16]
2022 Brontzezko domina Espainiako Txapelketako madison proban, Ana Usabiagarekin batera^[16]
2018 Zilarrezko domina Espainiako Txapelketako azken jardunaldian.
2018 Zilarrezko domina Espainiako Txapelketako puntuaketa proban.

Espainian Bidean

2018 Vuelta a Burgos Feminas, 1. etapa (Medina de Pomar, Medina de Pomar)

Espainian Pistan

2015 Espainiako Txapelketa Talde-jarraipena (Ana Usabiaga, Irene Usabiaga eta Naia Leonetekin)

2016 Espainiako Txapelketa, Talde-jarraipena (Ane Iriarte, Eukene Larrarte eta Irene Usabiagarekin)

2017 Espainiako Txapelketa Talde-jarraipena (Ane Iriarte, Ana Usabiaga e Irene Usabiagarekin)

2019 Espainiako Txapelketa, Talde-jarraipena (Aroa Gorostiza, Ana Usabiaga eta Irene Usabiagarekin)

2020 Espainiako Txapelketa, bakarkako jarraipena
2022 Espainiako Txapelketan Bakarkako jarraipenean: 1. postua, txapelduna.^[9]
2022 Espainiako Txapelketan Kanporaketa proban: 3. postua^[10]
2023ko ekainaren 9an scratch proban: 3. postua ^[11]
2023ko ekainaren 11n Espainiako Txapelketan 1. postua, Txapelduna.^[11]
2024ko otsailaren 23an Espainiako Txapelketan 1. postua, txapelduna bakarkako jazarpenean eta zilarrezkoa scratch proban.^[13]
2024ko otsailaren 23an Espainiako Txapelketan 2. postua, txapeldunordea scratch proban.^[13]