Cola Cao

Cola Cao
Proutu Bebia látea al cacau
Prouciu pol Grupo Nutrexpa
Engredientis Cacau, açuca, nues
de Kola, salis mineralis

Cola Cao es una marca chocolati en polvu propieá la impresa española "Grupo Nutrexpa", naciu en 1946.

Enos añus 50 arcança la fama en tol país gracias a la su populal canción ("Canción del Negrito"), ena que s'anunciaba nel arradiu cumu «almuerçu i meriendilla ideal».

En 1962, cola llegá la telivisión a España, esmiençan los sus primerus comercialis, que adatan la sintonia arradiufónica a unus dibujus animaus.

10 añus aluspués, en 1972, Cola Cao passa a sel «alimentu olímpicu» al convirtil-se en patrocinaol de los juegus olímpicus de Múnich 72.

Enos añus ochenta se prouci Cola Cao VIT una velsión istantánea i enriquecia con vitaminas del Cola Cao crásicu. Ejó de proucil-se a finalis de los ochenta.

1989 es el añu en que Cola Cao llega a China (高乐高 Gao-le-Gao); i en 1992 güelvi a sel «alimentu olímpicu» enos juegus de Barcelona 92.

A meyaus de los noventa, con eslogan el mismo sabor de Cola Cao con la mitad de calorías (el mesmu sabol de Cola Cao cola metá calorias) s'espunta una velsión de Cola Cao sin açuca i con eulcorantis anombrá Cola Cao Bajo en Calorias (Cola Cao Bahu en Calorias), qu'a meyaus de la presenti décaa cambeó el su nombri a Cola Cao Light.

A finalis de los noventa, prencipius del sigru XXI, reapaici una velsión istantánea Cola Cao, esta vezi anombrá Cola Cao Turbo. Con el su espuntu, el Cola Cao crássicu se renombró a Cola Cao Original.

Cola cao tien preséncia entrinacional tamien en Portugal i Chili, ondi está presenti enas varieais Cola Cao Original, Cola Cao Energy, Cola Cao Bajo en Calorías i los cerealis Pillows de Cola Cao.

Atijus

[Edital | Editá'l códigu]