Akosua Agyapong (a ne dzin kor nye Agyepong; wɔwoo no wɔ bosoom Ɔbɛsɛ ne da ɔtɔdo 17 wɔ afe 1959 mu) yɛ Ghana basia a ɔtow ndwom na odzi dwuma wɔ tɛlɛbihyɛn do. Ɔagye abawdobɔdze efi hɔn a wɔda Ndwontow Ebiasa Abaadobɔdze ano wɔ no mbɔdzembɔ a ɔdaa no edzi wɔ enyigye dwumadzi mu wɔ Ghana.
Akosua Agyapong wɔwoo no ɔbirɛfɛw 17, 1969 wɔ Nkran, Ghana a n’awofo yɛ Esuantsenyi na Akyemnyi. Onyaa no nsɔwdo skuul wɔ Holy Child Nsɔwdo skuul a ɔwɔ Oguaa. Ne maame nna ɔyɛ Catholicnyi nna n’gya do yɛ Anglicanyi.
Agyapong hyɛɛ no ndwomtow ase wɔ no Mbofra ber mu na nna ohuu no 1990 mu a ɔyɛ highlife ndwomtownyi Nana Ampadu ɔagye dzin hunii.
No ndwom nkabom a odzinkan, Frema, ɔdze too gua Sanda 1, 1990. Frema nna ndwom a ɔwɔ mu bi nye, ‘’Me ye Obaa’’ a ɔgyee dzin amon mu hɔara, dɛm ara na no ndwom nkaa no, bi tse dɛ, ‘’ Born again’’, ‘’ Anan tuo’’, na ‘’ San bɔhwɛ wo ba’’ na dza ɔkeka ho.
Frema gyee dzin n’ekyir no, ohyiaa Nat Brew na Rex Omar, a wɔhyɛɛ no nkuran dɛ ɔmfa no nkabom ndwom a odzi hɔ no mbɔbɔ adze Esiwa, noso bɛgyee dzin amon mu. 1992 mu no, ɔtseew Highlife kuw a wɔfrɛ no NAKOREX a ɔnye Brew na Omar, kuw no dzin no wonyaa fir kuw mba no hɔn edzin no ngyegyee a odzikan no, na ɔdze ndwom a ne dzin dze ‘ Kpanlogo’ bɔbɔɔ adze.
NAKOREX ekyir no, Agyapong kɔr ahomgye mu kakra na ekyir ɔsesaa noho bɔtoow Nyame ndwom. Besi ndɛ, ɔwɔ ndwom nkabom enum a ndwom nkabom bi so wɔ hɔ a ɔnye binom yɛɛ mbom edwuma a ɔnye NAKOREX yɛɛ na bio dɛ ɔka NAKOREX ho.
Agyapong wɔbɔɔ n’abawdo wɔ Dzifuu 2019 mu wɔ dwumadzi bi a ɔato no dzin ‘celebrating Akosua Agyapong 30 @50’’. Iyi na wɔdze robɔ n’abawdo dɛ ɔayɛ ndwomtownyi mfe eduasa 30.
Agyapong nye ne nyenko NAKOREX nyimpa kor wɔfrɛ no Amandzeba Nat Brew twee mpona 1994 mu. Wɔwar mfe kakra, mbo wogyaa awar. Seseiaradze ɔawar Prophet Daniel Asamoah-Larbi. ɔwɔ mbofra beesia, hɔn mu anan ɔnye Amandzeba Nat Brew, na hɔn mu ebien ɔnye seseiara no kun yi.