David Asibi Ayindenaba Apasera yɛ Ghana amanyɛnyi. Ogyinaa dɛ obi a ɔreper mampanyin ama People's National Convention (PNC) amanyɛkuw no mu wɔ afe 2020 Ghana ambatow kɛse no mu. Nna ɔyɛ mbrahyɛbaguanyi ma Bolgatanga a ɔwɔ Epuei Boka Mantɔw mu wɔ Ghana wɔ afe 2001 na 2009 mu.
Wɔwoo Apasera wɔ Ghana na ɔkɔr n'ahyɛse skuul wɔ ɔman yi mu.
Apasera yɛ Ghana amanyɛnyi a ɔyɛ nankasa n'edwuma.
Apasera dzii kan gyinaa wɔ afe 1996 Ghana ambatow kɛse no mu maa Bolgatanga ambatow mpasua dɛ People's National Convention (PNC) kuwba. Ɔdze ɔha mu nkyɛmu eduonu baako tɔɔ do ebien wɔ ambatow no mu. Naaso odzii mbrahyɛbaguanyi Simon Abinga a ɔwɔ National Democratic Congress (NDC) do nkonyim wɔ afe 2000 ambatow no mu ma ɔdze mba dodw 7,575 a egyina hɔ ma 50.9% bɛyɛɛ mbrahyɛbaguanyi maa Bolgatanga. Apasera sanee dzii nkonyim wɔ afe 200,4 Ghana Ambatow kɛse no mu, ɔdze mba 2,205 a egyina hɔ ma 38.6% dzii nkonyim. Ɔka mbrahyɛbaguafo beesia a wofi PNC na CPP na hɔn a wonnyi amanyɛkuw biara a wɔnye NPP kɔr apam wɔ mbrahyɛbagua mu wɔ afe 2005 mu no. Afe 2008 ambatow kɛse no mu no, ɔtɔɔ do ebiasa, ɔdze amba dodow a wɔtowee 20.1% dzii Emmanuel Akolbire a ɔwɔ NDC na Mercy Alima Musah a ɔwɔNew Patriotic Party (NPP) ekyir. Iyi na ɔdze ne ber a odzii dɛ mbrahyɛbaguanyi ma Bolgatanga no baa ewiei wɔ mbrahyɛbagua a ɔtɔ do anan wɔ Replic a ɔtɔ do anan mu wɔ Sanda 6, 2009 mu.
Ansaana afe 2012 ambatow no reba do no, wɔkyɛɛ Bolgatanga ambatow mpasua no kɔr Bolgatanga Central na Bolgatanga East ambatow mpasua. Apasera dzii nkonyim dɛ obegyina ama PNC wɔ Bolgatanga East akansi no mu, ɔdze mba 100 dzii Rockson Akugre a onyaa mba 83 do nkonyim.Naaso oenndzi nkonyim wɔ amba a wɔtoow no mu, ɔdze amba 13.1% tɔɔ do ebiasa wɔ ambatow no mu. Apasera gyinaa wɔ PNC amba no maa Bolgatanga East ansaana afe 2016 ambatow no reba do. Akasakasa soɛr wɔ ɔno na Bernad Mornah a nna ɔyɛ PNC kasamafo dɛm aber no ntamu. Ɔbɔɔ Mornah kwaadu dɛ oeyi ne dzin efi dzin a amanyɛkuw no dze kɛmaa Ambatow baaatan wɔ Ghana no mu. Ntsi ɔammbɛn ambatow adaka no ho mpo.
Afe 2020 mu no, onyaa hokwan dɛ obegyina dɛ obi origyina dɛ ɔmampanyi ama n'amanyɛkuw no wɔ Afe 2020 Ghana ambatow kɛse no mu. Nyimpa a ɔnye no sii akan no nye Divine Ayivor. Ɔka nyimpa duebien a wɔpaaw hɔn maa ambatow no ho.
David Apasera na na ɔyɛ nkan Mbrahyɛbaguafo ho nsɛm a wosusu ho kandzifo. Ɔyɛɛ ara ma edwumapɔn ho sika na akatua afofor a wɔdze ma mbrabaguafo kɔɔ enyim. Ɔkoe maa edwumapɔn ho sika kyɛpɛn ara kodur Ghana asendzii kunyin mpo. Justice Gbadebge buaa atsɛn a ɔnnyɛ amambra kwan do a wɔfrɛ no Chinery Hesse dze kyerɛɛ dɛ edwumapɔn ho sika ntsi na odzii dɛm dwuma no.
Apasera yɛ Christiannyi. Ɔawar awo mba baanan.