𞤊𞤢𞥄𞤼𞤵𞤥𞤢𞤼𞤢 𞤄𞤢𞥄-𞤄𞤢𞤪𞤮𞥅⹁ 𞤶𞤭𞤦𞤭𞤲𞤢𞥄𞤯𞤮 𞥕 𞤤𞤫𞤱𞤪𞤵 𞤦𞤮𞤱𞤼𞤫 𞤸𞤭𞤼𞤢𞥄𞤲'𞤣𞤫 𞥑𞥙𞥗𞥔 𞤳𞤮 𞤣𞤫𞤦𞥆𞤮 𞤺𞤢𞤣𞤢𞤲𞤮 𞤺𞤢𞤪𞤣𞤭𞥅𞤯𞤮 𞤤𞤫𞤴𞤣𞤭 𞤘𞤢𞤥𞤦𞤭 𞤀𞤣𞤢𞤥𞤢 𞤄𞤢𞤪𞥆𞤮𞤱 𞤫 𞤣𞤫𞤦𞥆𞤮 𞤺𞤢𞤣𞤢𞤲𞤮 𞤤𞤫𞤴𞤣𞤭 𞤘𞤢𞤥𞤦𞤭 𞤺𞤭𞤤𞤢 𞥒𞥐𞥑𞥗. 𞤌 𞤶𞤫𞤴𞤢𞥄 𞤳𞤮 𞤫 𞤤𞤫𞤻𞤮𞤤 𞤊𞤵𞤤𞤩𞤫.
𞤣𞤵𞤯𞤢𞤲𞤣𞤫 𞤫 𞤤𞤭𞤺𞥆𞤫
𞤄𞤢𞤸-𞤄𞤢𞤪𞥆𞤮𞤱 𞤳𞤮 𞤩𞤭𞤴 𞤶𞤮𞤥 𞤲'𞤶𞤵𞤤𞤢𞥄𞤺𞤵 𞤦𞤭𞤴𞤫𞤼𞤫𞥅𞤯𞤮 𞤀𞤦𞤣𞤵𞤤𞥆𞤢𞥄𞤴𞤭 𞤄𞤢𞥄 𞤫 𞤶𞤮𞤥 𞤧𞤵𞥅𞤣𞤵 𞤥𞤵𞤥 𞤢𞤴𞤧𞤢𞤼𞤵 𞤔𞤢𞤤𞥆𞤮. 𞤳𞤮 𞤫 𞤤𞤫𞤻𞤮𞤤 𞤊𞤵𞤤𞤩𞤫 𞤮 𞤶𞤫𞤴𞤢𞥄.
𞤌 𞤥𞤢𞤱𞤲𞤭 𞤳𞤮 𞤫 𞤦𞤢𞤲𞤣𞤭𞤪𞤢𞥄𞤩𞤫 𞤯𞤭𞤯𞤮 𞤼𞤮 𞤄𞤢𞤧𞥆𞤫⹁ 𞤮 𞤶𞤢𞤲𞤺𞤭 𞤼𞤮 𞤣𞤵𞤯𞤢𞤤 𞤅𞤼. 𞤘𞤫𞤮𞤪𞤺𞤫. 𞤕𞤢𞤺𞥆𞤢𞤤 𞤲'𞤣𞤫 𞤮 𞤼𞤭𞤥𞥆𞤭𞤲𞤭 𞤶𞤢𞤽𞤣𞤫 𞤤𞤫𞤧𞤤𞤫𞤧𞤪𞤫⹁ 𞤮 𞤬𞤢𞤴𞤼𞤭 𞤄𞤢𞤲'𞤶𞤵𞤤. 𞤙𞤢𞤤𞤲'𞤣𞤫 𞥒𞥐 𞤥𞤢𞤪𞤧𞤫 𞥑𞥙𞥙𞥗⹁ 𞤮 𞤪𞤫𞤧𞤭 𞤀𞤣𞤢𞤥𞤢 𞤄𞤢𞤪𞥆𞤮𞤱⹁ 𞤤𞤢𞥄𞤥𞤭𞥅𞤯𞤮 𞤤𞤫𞤴𞤣𞤭 𞤘𞤢𞤥𞤦𞤭 𞤺𞤭𞤤𞤢 𞤤𞤫𞤱𞤪𞤵 𞤒𞤢𞤪𞤳𞤮𞤥𞤢 𞥒𞥐𞥑𞥗. (𞤄𞤢𞤪𞥆𞤮𞤱 𞤳𞤢𞤣𞤭 𞤭𞤲𞤢 𞤪𞤫𞤧𞤭 𞤣𞤫𞤦𞥆𞤮 𞤯𞤭𞤯𞤢𞤩𞤮⹁ 𞤸𞤮𞤲𞤮 𞤅𞤢𞤪𞤶𞤮 𞤐'𞤄𞤢𞤤𞥆𞤮𞤱-𞤄𞤢𞤪𞥆𞤮𞤱.) 𞤇𞤫 𞤲'𞤣𞤢𞤻𞤭 𞤩𞤭𞤯𞥆𞤮 𞤺𞤮𞤪𞤳𞤮⹁ 𞤃𞤢𞤥𞤢𞤣𞤮𞤵 𞤄𞤢𞤪𞥆𞤮𞤱⹁ 𞤫 𞤩𞤭𞤯𞥆𞤮 𞤣𞤫𞤦𞥆𞤮 ⹁ 𞤚𞤢𞤭𞤦𞤵 𞤄𞤢𞤪𞥆𞤮𞤱.
𞤚𞤵𞤺𞥆𞤭 𞥒𞥐𞥐𞥐 𞤸𞤢𞥄 𞥒𞥐𞥐𞥑⹁ 𞤮 𞤺𞤮𞤤𞥆𞤭𞥅𞤥𞤢 𞤫 𞤣𞤫𞤨𞤢𞤪𞤼𞤫𞤥𞤢𞥄 𞤴𞤫𞥅𞤴𞤮𞥅𞤩𞤫 𞤫 𞤲'𞤣𞤫𞤪 𞤧𞤮𞤧𞤭𞤴𞤢𞤼𞤫𞥅 𞤉𞤤𞤼𞤮𞤲 𞤌𞤭𞤤⹁ 𞤷𞤢𞤺𞥆𞤢𞤤 𞤯𞤵𞥅𞤥 𞤫 𞤲'𞤣𞤫𞤪 𞤧𞤮𞤧𞤭𞤴𞤢𞤼𞤫𞥅 𞤼𞤫𞤤𞤫𞤬𞤮𞤽 𞤷𞤭𞤲𞤣𞤫𞤤 𞤦𞤭𞤴𞤫𞤼𞤫𞥅𞤯𞤮 𞤀𞤬𞤪𞤭𞤷𞤫𞤤𞥆 𞤸𞤢𞥄 𞥒𞥐𞥐𞥘.
𞤩𞤫𞤴𞤲𞤺𞤵 𞤤𞤢𞥄𞤥𞤯𞤮 𞤢𞤪𞤢𞤲𞤮 𞤮𞤲
𞤄𞤢𞤸-𞤄𞤢𞤪𞥆𞤮𞤱 𞤱𞤢𞤤𞥆𞤭𞤼𞤭𞥅 𞤳𞤢𞤥𞤨𞤢𞥄𞤻 𞤶𞤮𞤥 𞤧𞤵𞥅𞤣𞤵 𞤥𞤵𞤥 𞤫 𞤷𞤮𞤬𞤼𞤮 𞤺𞤢𞤪𞤣𞤢𞤺𞤮𞤤 𞤤𞤫𞤴𞤣𞤭 𞤘𞤢𞤥𞤦𞤭 𞤫 𞤸𞤭𞤼𞤢𞥄𞤲'𞤣𞤫 𞥒𞥐𞥑𞥖 𞤐𞤮 𞤺𞤢𞤪𞤣𞤭𞥅𞤯𞤮 𞤤𞤫𞤴𞤣𞤭 𞤲'𞤣𞤭𞥅 𞤲𞤭𞥅⹁ 𞤸𞤮𞤲𞤮 𞤒𞤢𞥄𞤸𞤢𞥄 𞤔𞤢𞤥𞥆𞤫⹁ 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤳𞤫𞤧𞤮 𞤮𞥅⹁ 𞤸𞤮𞤲𞤮 𞤀𞤣𞤢𞤥𞤢 𞤄𞤢𞤪𞤮𞥅⹁ 𞤸𞤮𞤤𞥆𞤭𞤼𞤭𞥅 𞤱𞤮𞤲'𞤣𞤫 𞤳𞤮 𞤣𞤫𞤦𞥆𞤮 𞤥𞤵𞤥 𞤺𞤢𞤣𞤢𞤲𞤮⹁ 𞤸𞤮𞤲𞤮 𞤊𞤢𞥄𞤼𞤵𞤥𞤢𞤼𞤢 𞤄𞤢𞥄-𞤄𞤢𞤪𞤮𞥅⹁ 𞤼𞤢𞤲 𞤬𞤮𞤼𞤭 𞤶𞤮𞤺𞤢𞥄𞤣𞤫 𞤣𞤢𞤪𞤲'𞤣𞤫 𞤲'𞤣𞤫𞥅 𞤳𞤮 𞤣𞤫𞤦𞥆𞤮 𞤺𞤢𞤣𞤢𞤲𞤮 𞤤𞤫𞤴𞤣𞤭 𞤘𞤢𞤲'𞤦𞤭𞤢.
𞤑𞤮 𞤮 𞤣𞤫𞤦𞥆𞤮 𞤺𞤢𞤣𞤢𞤲𞤮⹁ 𞤮𞤥𞤮 𞤱𞤢𞤤𞥆𞤭𞤼𞤢 𞤨𞤫𞤤𞥆𞤫 𞤦𞤢𞤤𞥆𞤭𞤼𞤮𞥅𞤶𞤫 𞤫 𞤨𞤫𞤤𞥆𞤫 𞤦𞤢𞤤𞥆𞤭𞤼𞤮𞥅𞤶𞤫. 𞤌 𞤧𞤮𞤧𞤭 𞤬𞤫𞤣𞥆𞤫 𞤊𞤢𞥄𞤼𞤵𞤥𞤢𞤼𞤢 𞤄𞤢𞥄-𞤄𞤢𞤪𞤮𞥅 (𞤊𞤢𞤄𞥆) 𞤻𞤢𞤤𞤲'𞤣𞤫 𞥑 𞤥𞤫𞥅 𞥒𞥐𞥑𞥗⹁ 𞤼𞤢𞤱𞤭 𞤬𞤢𞥄𞤲'𞤣𞤢𞥄𞤪𞤫 𞤥𞤵𞤥 𞤳𞤮 𞤸𞤢𞤩𞤢𞥄𞤣𞤫 𞤦𞤢𞥄𞤧𞤢𞤤 𞤫 𞤱𞤢𞤤𞥆𞤭𞤼𞤣𞤫 𞤻𞤢𞤱𞤩𞤫 𞤫 𞤪𞤫𞤱𞤩𞤫 𞤫 𞤧𞤵𞤳𞤢𞥄𞤩𞤫. 𞤉 𞤤𞤫𞤱𞤪𞤵 𞤷𞤮𞤤𞤼𞤮 𞥒𞥐𞥑𞥘⹁ 𞤬𞤫𞤣𞥆𞤫 𞤲'𞤣𞤫𞥅 𞤲𞤢𞥄𞤼𞤭𞥅 𞤫 𞤺𞤮𞤤𞥆𞤮𞤲'𞤣𞤭𞤪𞤢𞤤 𞤫 𞤬𞤫𞤣𞥆𞤫 𞤧𞤢𞤬𞤪𞤮𞥅𞤩𞤫 𞤱𞤭𞤴𞤫𞤼𞤫𞥅𞤲'𞤣𞤫 𞤃𞤫𞤪𞤷𞤳 𞤑𞤘aA 𞤲'𞤺𞤢𞤥 𞤸𞤢𞤩𞤣𞤫 𞤽𞤢𞤳𞥆𞤫𞥅𞤲'𞤣𞤫 𞤶𞤭𞤦𞤭𞤲𞤢𞤲𞤣𞤫 𞤪𞤫𞤱𞤩𞤫.
𞤉 𞤤𞤫𞤱𞤪𞤵 𞤵𞤼 𞥒𞥐𞥑𞥘⹁ 𞤸𞤢𞥄𞤤𞤢𞥄𞤥𞤢 𞤱𞤮𞤲'𞤣𞤫 𞤻𞤢𞤤𞤲'𞤣𞤫 𞥑𞥘 𞤣𞤫𞤧𞤢𞤥𞤦𞤢𞤪 𞥒𞥐𞥑𞥗⹁ 𞤳𞤢𞥄𞤤𞤭𞤧 𞤬𞤮𞤼𞤣𞤫 𞥗𞥕𞥒 𞥐𞥐𞥐 𞤣𞤮𞤤𞤢𞥄𞤪 𞤀𞤥𞤫𞤪𞤭𞤳 (𞥓𞥓 𞤥𞤭𞤤𞤭𞤴𞤮𞤽 𞤣𞤢𞤤𞤢𞤧𞤭 𞤘𞤢𞤥𞤦𞤭) 𞤭𞤼𞥆𞤢𞥄𞤥𞤢 𞤫 𞤳𞤮𞤲𞤼𞤫 𞤼𞤮 𞤖𞤮𞤲𞤳𞤮𞤲 𞤬𞤫𞥅𞤱𞤣𞤫 𞤫 𞤳𞤮𞤲𞤼𞤫 𞤦𞤢𞤲𞤳𞤫 𞤶𞤫𞤴𞤢𞥄𞤯𞤫 𞤫 𞤊𞤮𞥅𞤴𞤪𞤫 𞤊𞤢𞥄𞤼𞤵𞤥𞤢𞤼𞤢 𞤄𞤢𞥄-𞤄𞤢𞤪𞤮𞥅 . 𞤉 𞤱𞤭𞤴𞤣𞤫 𞤶𞤢𞥄𞤴𞤯𞤫⹁ 𞥗𞥔𞥖 𞥐𞥐𞥐 𞤣𞤮𞤤𞤢𞥄𞤪 𞤫 𞤲'𞤺𞤢𞤤𞤯𞤮𞥅 𞤳𞤢𞥄𞤤𞤭𞤧⹁ 𞤳𞤮 𞤏𞤸𞤭𞤼𞤫 𞤀𞤭𞤪𞤱𞤢𞤴𞤧⹁ 𞤤𞤢𞥄𞤲𞤢 𞤲'𞤣𞤭𞤱𞤮𞥅𞤱𞤢 𞤆𞤮𞤪𞤼𞤭𞤺𞤢𞥄𞤤⹁ 𞤲'𞤺𞤢𞤥 𞤰𞤫𞤼𞥆𞤵𞤣𞤫 𞤤𞤢𞥄𞤲𞤢 𞤲'𞤣𞤭𞤱𞤮𞥅𞤱𞤢 𞤬𞤫𞥅𞤱𞤣𞤫 𞤅𞤭𞥅𞤲. 𞤐𞤢𞥄𞤥𞤲𞤫 𞤭𞤲𞤢 𞤲'𞤺𞤮𞥅𞤣𞤭 𞤳𞤮 𞤬𞤢𞤴𞤼𞤭 𞤫 𞤶𞤮𞤳𞥆𞤮𞤲'𞤣𞤭𞤪𞤢𞤤 𞤸𞤢𞤳𞥆𞤵𞤲'𞤣𞤫 𞤲'𞤺𞤢𞤤𞤯𞤮𞥅 𞤴𞤮𞤩𞤣𞤫 𞤫 𞤴𞤢𞤸𞤣𞤵 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤄𞤢𞤪𞤮𞥅 𞤼𞤮 𞤷𞤢𞤴𞤲𞤢 𞤻𞤢𞤤𞤲'𞤣𞤫 𞥑𞥙 𞤲𞤦𞤮𞤱𞤼𞤮 𞥒𞥐𞥑𞥗. 𞤅𞤮𞤧𞤭𞤴𞤫𞤼𞤫𞥅 𞤷𞤢𞤴𞤲𞤢 𞤨𞤫𞥅𞤱𞤲𞤮𞥅𞤱𞤮 𞤳𞤵𞥅𞤪𞤢𞥄 𞤦𞤭𞤴𞤫𞤼𞤫𞥅𞤯𞤮 𞤚𞤄𞤉𞤀⹁ 𞤥𞤮 𞤶𞤮𞤤𞤲𞤭 𞤳𞤢𞥄𞤤𞤭𞤧 𞤮𞥅⹁ 𞤭𞤲𞤢 𞤩𞤢𞤣𞤭𞥅 𞤱𞤢𞤯𞤣𞤫 𞤲𞤢𞤲𞤮𞤲'𞤣𞤭𞤪𞤢𞤤 𞤫 𞤅𞤮𞤧𞤭𞤴𞤫𞤼𞤫𞥅 𞤲'𞤺𞤫𞤲𞤣𞤭𞥅𞤶𞤮 𞤲'𞤣𞤭𞤴𞤢𞤥 𞤫 𞤳𞤵𞥅𞤪𞤢𞥄 (𞤐𞤀𞤏𞤉𞤕). )⹁ 𞤧𞤮𞤧𞤭𞤴𞤢𞤼𞤫𞥅 𞤤𞤢𞥄𞤥𞤵 𞤘𞤢𞤥𞤦𞤭⹁ 𞤲'𞤺𞤢𞤥 𞤥𞤢𞤸𞤲'𞤺𞤮 𞤶𞤮𞤤𞤲'𞤺𞤮 𞤳𞤵𞥅𞤪𞤢𞥄. 𞤒𞤭𞥅𞤤𞤭𞤪𞤣𞤫 𞤬𞤮𞤲𞤣𞤢𞤧𞤭𞤴𞤮𞤽 𞤸𞤮𞤤𞥆𞤭𞤼𞤭𞥅 𞤱𞤭𞤯𞤼𞤮𞥅𞤶𞤭 𞤳𞤮 𞤬𞤫𞥅𞤱𞤼𞤭 𞤫 𞤴𞤮𞤩𞤣𞤫 𞤯𞤫.
𞤉 𞤤𞤫𞤱𞤪𞤵 𞤧𞤵𞤱𞤫𞥅 𞥒𞥐𞥑𞥙⹁ 𞤬𞤫𞤣𞥆𞤫 𞤲'𞤣𞤫𞥅 𞤲𞤮𞤣𞥆𞤭𞥅 𞤤𞤢𞥄𞤥𞤵 𞤲'𞤺𞤵𞥅 𞤲'𞤣𞤫 𞤸𞤮𞤤𞥆𞤭𞤪𞤼𞤢 𞤫 𞤴𞤫𞥅𞤧𞤮 𞤴𞤭𞤥𞤩𞤫 𞤬𞤮𞤬 𞤲'𞤦𞤢𞤴𞤤𞤭𞥅𞤺𞤵 𞤲'𞤺𞤵𞥅⹁ 𞤤𞤢𞥄𞤩𞤼𞤭𞤲𞤢 𞤭𞤲𞤣𞤫 𞤄𞤢𞤸-𞤄𞤢𞤪𞥆𞤮𞤱. 𞤉 𞤱𞤭𞤴𞤣𞤫 𞤶𞤢𞥄𞤴𞤲'𞤣𞤫 𞤱𞤭𞤴𞤫𞤼𞤫𞥅𞤲'𞤣𞤫 𞤚𞤸𞤫 𞤅𞤼𞤢𞤲'𞤣𞤢𞤪𞤣⹁ 𞤳𞤢𞥄𞤤𞤭𞤧 𞤮𞥅 𞤳𞤮 𞤲'𞤺𞤢𞤥 𞤱𞤢𞤤𞥆𞤭𞤼𞤣𞤫 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤲'𞤣𞤭 𞤫 𞤲'𞤣𞤫𞤪 𞤤𞤫𞤴𞤣𞤭 𞤅𞤭𞥅𞤲. 𞤐'𞤁𞤫 𞤱𞤢𞤯𞤼𞤢𞥄 𞤫 𞤳𞤮𞤲𞤼𞤫 𞤬𞤮𞤲𞤣𞤢𞥄𞤧𞤭𞤴𞤮𞤽 𞤮𞥅⹁ 𞤧𞤭𞤦𞤵 𞤸𞤫𞤩𞤣𞤫 𞤳𞤢𞥄𞤤𞤭𞤧 𞤮𞥅 𞤼𞤮 𞤦𞤢𞤲𞤺𞤫 𞤲'𞤶𞤵𞤩𞥆𞤵𞤣𞤭 𞤭𞤲𞤢 𞤱𞤢𞥄𞤱𞤭 𞤲'𞤣𞤫𞥅𞤲. 𞤅𞤮 𞤼𞤢𞤱𞤭𞥅𞤲𞤮 𞤳𞤢𞥄𞤤𞤭𞤧 𞤮𞥅 𞤭𞤲𞤢 𞤱𞤢𞤯𞤫𞥅 𞤫 𞤳𞤮𞤲𞤼𞤫 𞤤𞤢𞥄𞤥𞤵 𞤼𞤮 𞤄𞤢𞤲𞤳𞤫 𞤥𞤢𞤱𞤯𞤮 𞤤𞤫𞤴𞤣𞤭 𞤘𞤢𞤲'𞤦𞤭𞤢⹁ 𞤼𞤢𞤱𞤢 𞤱𞤮𞤲𞤢𞥄 𞤫 𞤬𞤮𞤲𞤣𞤢𞤧𞤭𞤴𞤮𞤽⹁ 𞤤𞤢𞥄𞤥𞤵 𞤲'𞤺𞤵𞥅 𞤱𞤢𞥄𞤱𞤢𞤼𞤢𞥄𞤲𞤮 𞤸𞤫𞤩𞤣𞤫 𞤯𞤵𞤥 𞤬𞤮𞤼𞤣𞤫 𞤦𞤢𞤤𞤯𞤫 𞤼𞤢𞤼𞤭 𞤺𞤮𞤤𞥆𞤫⹁ 𞤸𞤢𞤴 𞤧𞤮 𞤼𞤢𞤱𞤭𞥅 𞤲𞤮𞥅𞤲 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤮𞥅 𞤭𞤲𞤢 𞤴𞤢𞤸𞤪𞤢 𞤫 𞤮𞥅𞤲 𞤧𞤢𞤸𞤢𞥄 -𞤼𞤮𞥅𞤲 .