Louhimiehe Aku
| Louhimiehe Aku
Aku Urban Louhimies | |
|---|---|
 Louhimiehe Aku "Tiidmäldä sõamehe" filmi pildi pääl põimukuun 2016 | |
| Sündünüq | 8. hainakuu päiv 1968 Helsingi |
| Rahvus | suumlanõ |
| Ammõt | filmitekij, filmiuhjaja |
Louhimiehe Aku (Aku Urban Louhimies, sündünüq 3. hainakuu pääväl 1968 Helsingin) om soomõ filmitekij ja -uhjaja, filmilukõ kirotaja.
Karjäär ja elokäük
[toimõndaq | toimõndaq lätteteksti]Louhimies om lõpõtanuq Aalto Ülikooli kunsti-, kujondusõ- ja ehitüskunstikooli (soomõ keelen Aalto-yliopiston taiteiden ja suunnittelun korkeakoulu) ni om oṕnuq Helsingi Ülikoolin aoluku.
Tä om nõudjas ja mõovõimas filmiuhjaja, kiä uut umist näütlejist pall'o ja pand näid kõigildõ proovilõ. Näütüses om soomõ aokirändüsen olnuq juttu, et Louhimies om filmmise aol latsilõ ütelnüq, et näide vanõmbaq ommaq koolnuq, et nuuq ikkõn parõmbalõ vaesitlatsi mängnüq.[1][2] Tä om esiq nuuq süüspandmisõq är vääränüq.
Louhimies taht, et tä näütlejäq ommaq inne filmivõttit ja noidõ aol üten. Näütüses "Tiidmäldä sõamehe" ülesvõtmisõ aol magasiq näütlejäq telgin.
Tä filmen ommaq mängnüq ka Kuurmaa Lenna ja Sarvõ Kristjan.
2021. aastaga vahtsõaastakuul filme Louhimies umma vahtsõt filmi "Omerta 6/12" Tarton.[3] Filmin mängväq kuulsaq soomõ näüteljäq, näütüses Pääkköse Jasper, Strangi Pekka ja Milonofi Eero.[4] Film tull' vällä 19. märtekuu pääväl 2021.
Filmiq
[toimõndaq | toimõndaq lätteteksti]Louhimies om uh'anuq kümmend filmi:
"Rahuduq" (Levottomat) (2000)
"Kuupaistõn" (Kuutamolla) (2002)
"Halv maa" (Paha maa) (2005)
"Pall'as tett miis" (Riisuttu mies) (2006)
"Valgõ liin" (Valkoinen kaupunki)(2006)
"Käsk" (Käsky) (2008)
"Vuosaari" (Vuosaari) (2012)
"Katõssa palli" (8-pallo) (2013)
"Tiidmäldä sõamiis" (Tuntematon sotilas) (2017)
"Omerta 6/12" (2021)