Tindhólmur

Tindhólmur er størsti hólmur í Føroyum.
Tindarnir í Tindhólmi ein mjørkadag.

Tindhólmur er ein hólmur í Vágum. Kemur ella fer ein við flogfari umvegis Vága Floghavn, er tað ofta, at ein flýgur fram við Tindhólmi. Tindhólmur er størsti hólmur í Føroyum, og er hann 65 hektar til støddar[1]. Hólmurin er tvær merkur og hevur nógvan fugl. Í hólminum er ofta grind deyð, men seinastu ferð um leið 1970.

Tann sermerkti hólmurin, sum sæst úr bygdini Bø, hevur fingið navn eftir sínum høgu tindum. Tindarnir eru fimm í tali, og eita teir Ytstitindur, Arnatindur, Lítlitindur, Breiðitindur og Boygditindur. Í skúlanum hevur verið vanligt, at børnini lærdu tindarnar við hesi ramsuni Ytsti, Arni, Lítli, Breiði, Bogni, og er ramsan eisini nýtt sum niðurlag í einum populerum sangi.

Søgnin um ørnina í Tindhólmi

[rætta | rætta wikitekst]

Hóast eingin býr har, hevur tað ikki altíð verið so. Søgn er, at hann skal hava verið bygdur í gomlum døgum. Søgan sigur, at ein familja (maður, kona og barn) búði har einaferð, men meðan maðurin var og fiskaði, kom ein ørn og tók smábarnið, og fleyg tað upp á ein av tindunum. Og hóast mamman megnaði at fara eftir barninum, var ov seint. Eftir hetta flutti familjan av oynni, og síðan tá hevur eingin búsett seg har.

Sí eisini

[rætta | rætta wikitekst]

Hólmar í Føroyum


Kelda

[rætta | rætta wikitekst]
  1. ↑ "US.fo, Umhvørvisstovan, "Størstu hólmar".". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2011-07-20. https://web.archive.org/web/20110720203719/http://www.us.fo/Default.aspx?ID=6565. Heintað 2012-08-12. 

Keldur til søgnina um ørnina í Tindhólmi

[rætta | rætta wikitekst]
  • Weihe, A.: Tjóðminni (1938), s. 14
  • Tømmeraas, Per J.: Ørnen (1997), s. 120-121
  • Kletti, Pól á: Ørnin - ein barnarænari. Grein í Dimmalætting (íleggið Skái) 26. januar 2002
Wikimedia Commons logo
Wikimedia Commons logo
Sí miðlasavnið