Amrumbank West

Didiar artiikel ment di winjpark. Luke uk bi Amrumbank.

Tekst üüb Öömrang

Laag faan Amrumbank West uun a Sjiisk Bocht.

Amrumbank West as en winjpark uun a Nuurdsia. Hi woort bedrewen faan't Amrumbank West GmbH, hat hiart tu E.ON.

Beskriiwang

Di winjpark woort baud üüb en areal faan 32 km² amanbi 35 km nuurdwaasten faan Halaglun an 18 km süüdwaasten faan Oomrambeenk üüb en jipde faan 20 bit 25 meetern.

Diar wurd sowat ian miljaard Euro ferbaud. An hi skal 2015 klaar wurd.

Technik

Diar san 80 winjmalner faan Siemens (Siemens SWT-3.6-120) apsteld wurden mä en efekt faan 3,6 MW an a ruaner haa en trochmeeder faan 120 meetern. Ään rua as 58,5 m lung. Di struum skal ling för 300.000 hüshualangen.

Di 33 kV-dreistruum woort üüb en traafostatsion üüb 155 kV amspäänd. Üüb en konwerterstatsion woort diar ±320 kV-likstruum faan maaget, an di woort auer en siakaabel iarst tu Büsum an do auer lun tu Brunsbüttel sjüürd, huar di struum weder üüb dreistruum amspäänd woort.

Kwelen