LG Chem

Söl'ring
LG Chem Ltd.

Logo
Logo
Rochtsforem Aktienselskep
ISIN KR7051910008
Grünjliar 1947
Hüüsing Seoul, Korea SudSüđern Koreea Süđern Koreea
Fööringskontoor

Shin Hak Cheol (CEO)[1]

Aarberers

33.694 (Stand Dez. 2018)

Jil / Jaar 28,2 Bio. Won (13,79 Mrd. Euro)[2]
Branche Kemii, Bateriien, Pharma
Weebsir www.lgchem.com
Stand: 28. Detsember 2019


LG Chem Ltd. es en Kemiifirma fan Süđern Koreea. wat tö di LG-Ker jert. Des Ker jert tö di gurtest Kemiifirmen fan Süđern Koreea. Üp Wārel staant LG Chem üp Plaats 10.

Twiigern

[Bewerke | Kweltekst bewerke]
  • Petrokemii

Fan des Twiig uur dit miist Jil fortiinet. Fan Öörtööl uur Etyleen, Propyleen, Polyolefiini, PVC, Wukmaakers, ABS, Acrylsüüri, Superansorber- Polycarbonaati, Syntheesikautschuk en hok muar maaket.

  • Baterii-Önlaagen

Des Twiig maaket Bateriien fuar für IT-Giraaten, mobiili Hüsgiraaten, forskeligi Elektrofaartjüchen sa üs uk Baterii-Kraftwerksönlaagen. LG Chem wiar 1999 di jest Firma ön Süđern Koreea, wat Lithium-Ioonen-Bateriien becht. Uk fuar Elektroautos uur Bateriien becht. Jen fan di jest wiar di Chevrolet Volt/Opel Ampera, hur ön en Testwain eeđer trii Jaaren di Bateriien jit gur wiar. Öntwesken haa masi firmen bi LG bistelt (GM, Hyundai, Renault, Ford, Volvo, Tesla Motors, VW, Audi en jit muar).

Bateriien fuar Autos (Traktsjoonsbateriien) uur ön fjuur Fabriiken becht:

  • Cheongju, Süđern Koreea
  • Holland (Michigan), USA
  • Nanjing, Kiina
  • Kobierzyce, nai bi Breslau, Poolen

Di Fabriik ön Poolen heer soowen Liinien iin ön tau Halen. Jest Liinie fuar Renault, Jaguar en Land Rover; taust en fifst Liinie fuar Audi, Porsche en Daimler; trēr Liinie fuar Standardselen; di fjaart Liinie es fuar di MEB-Platforem fan VW önliar; di Sokst fuar Porsche; di Soowenst fuar di PSA-Ker.

Aurdat sa fuul Bateriien bistelt waar, heer LG Chem forsaacht, di Produktsjoon tö forbeeteri. Des löp man ek rocht, en sa kām Autos üs di Audi e-tron leeter üt.

  • Moderni Werkstofi

LG Chem maaket uk Materiaalien fuar Optik en Elektroonik. Sa uur fuar LCD (Liquid Crystal Displays) uk Omseetingen fan Glees maaket. LG Chem sair salev, dat jü di Wārels Marker fuar Polarisatooren fööret. Sawat es fuar Wiit Kristal-Skirremern nöörig, hur Fiirlukers Monitoori, Laptops, Tablets of Smartphones me becht uur.

Fur Weeter tö renski of wan em fan Seeweeter Drinkweeter maaki wel, jeft et Osmoosi-Membraanen. LG Chem heer 2014 di gurt amerikaansk Firma NanoH2O Inc. aurnomen en becht sok Membraanen sent 2018 uk ön Cheongju, Süđern Koreea. Em snaket diar fan RO (Reverse Osmose)-Membraanen.

Di Twiig fuar di Werkstofi maaket diaraur hen uk Stofi fuar OLED-Displays en Elektrooden-Materiaal fuar Bateriien. [3]

  • Boikemii

Töhop me üđer Firmen fuaral ön Koreea forsjukt LG Chem, uk Fut tö faat.

Futnooten

[Bewerke | Kweltekst bewerke]
  1. ↑ https://www.lgchem.com/company/company-information/about
  2. ↑ LG Chem Überblick. LG Chem, ufrepen de 28. Deetsember 2019 (dütsk).
  3. ↑ Tesla Motors verhandelt mit LG Chem, Samsung und SK Innovation über Batterien. IT Times, 18. Mei 2016, ufrepen de 31. Mei 2016 (dütsk).