Jan de Boer (Doanjewerstâl, 29 juny 1967) is in Nederlânsk teoretysk natuerkundige, fan Frysk komôf, dy't spesjalisearre is yn de snaarteory. Nei in dûbel masterdiploma wiskunde en natuerkunde aan de Ryksuniversiteit Grins helle te hawwen, promovearre De Boer oan de Universiteit Utert mei it proefskrift Extended conformal symmetry in non-critical string theory. Sûnt 2000 is er heechlearaar teoretyske natuerkunde oan de Universiteit fan Amsterdam.
Fan 1946 oant 1981 wie in net besibbe Jan de Boer (1911-2010) heechlearaar teoretyske natuerkunde oan deselfde ôfdieling fan de Universiteit fan Amsterdam. Hy wie spesjalisearre yn de termodynamika.
| Boarnen, noaten en/as referinsjes: |