Short Sunderland

Short Sunderland

Rol	Ferkenningsfleantúch, bommesmiter
Makker	Bruorren Short
Untwerper	Arthur Gouge
Earste flecht	16 oktober 1937
Yn tsjinst	1938
Ut tsjinst	RAF: 1959, RNZAF: 1967
Tal makke	777 (1938-1946)
Brûkers	Royal Air Force, Frânske Marine, RAAF, RNZAF
Farianten	Short Sandringham, Short Seaford

De Short Sunderland (ferneamd nei it noardeastIngelske plak Sunderland) wie in Britske fleanboat boud troch Short Brothers. De Short Sunderland wie in fuortsette ûntjouwing foar militêr gebrûk fan de Short S.23 Empire fleanboat. It wie ien fan de sterkste en meastbrûkte fleanboaten yn de Twadde Wrâldoarloch, mei de Consolidated PBY Catalina, mar it tastel wie stadich en loch. It prototype fleach yn oktober 1937.^[1]

Operasjonele skiednis

By it útbrekken fan de kriich hie Coastal Command 3 squadrons mei Sunderlands yn tsjinst. It tastel waard ynset by de U-boatbestriding op de Atlantyske Oseaan en it rêden fan seelju. In ferneamd wapenfeit fan in Sunderland is de rêding op 21 april 1939 fan 34 bemanningsleden fan it torpedearre keapfeardijskip 'Kensington Court'. By de evakuaasje fan Kreta, in gefolch fan de lâning op Kreta, hat ien Sunderland ris 87 persoanen ferfier.^[1] In tal Sunderlands is ek ynset by de Berlynske loftbrêge, dy't West-Berlyn befoarriedzje moast. De Sunderlands fleagen fanôf de Elbe by Hamburg-Finkenwerder nei de Tegeler See yn Berlyn.

Sunderlands fan de RAF hawwe ek noch tsjinne yn de Koreaanske Kriich en binne oant 1959 yn tsjinst bleaun. De Keninklike Nij Seelânske Loftmacht (Royal New Zealand Air Force, RNZAF) hat se lykwols earst yn 1967 fuortdien.

In tal Sunderlands binne omboud ta passazjierstastellen, de Short Sandringhams, dy't op plakken oant 1974 (!) noch brûkt binne.

Spesifikaasjes Sunderland II

^[2]

bemanning: 9—11 (twa piloaten, radiotelegrafist, navigator, boardwurktúchkundige, bombrjochter, 3-5 skutters)
lingte: 26.0 m
spanwiidte: 34.39 m
hichte: 10 m
oerflak: 138 m²
gewicht leech: 15.663 kg
gewicht mei lading: 26,332 kg
oandriuwing: 4x Bristol Pegasus XVIII, njoggensilinder radiaalmotor, 1065 hk
maks. faasje: 336 km/o
krúsfaasje: 285 km/o
min. faasje (stall speed): 125 km/o
fleanberik: 2.848 km
plafond: 4.880 m
klimfaasje: 3,67 m/s
bewapeining:
- 16× 0.303 inch (7.7 mm) Browning M1919 masinegewearen
- 2× M2 Browning 0.50 inch (12.7 mm) masinegewear (sjoch: .50)
- ferskaat oan definsive en offensive munysje, sa as: bommen, minen, djiptebommen dy't binnenyn en ûnder de wjukken meinaam wurde. Fierders fakkels, markearguod en reekbommen

Boarnen, noaten en referinsjes

Boarnen, noaten en/as referinsjes:

↑ ^1,0 ^1,1 (ned) Perner, André - Engelse vliegtuigen 1940-1945 - A.W. Bruna, Utrecht
↑ Jane's Fighting Aircraft of World War IIBridgman 1946, s. 137.

Wikimedia Commons

Ofbylden dy't by dit ûnderwerp hearre, binne te finen yn de kategory Short Sunderland fan Wikimedia Commons.

[Ap-1] 1,0 ^1,1 (ned) Perner, André - Engelse vliegtuigen 1940-1945 - A.W. Bruna, Utrecht

[2] Jane's Fighting Aircraft of World War IIBridgman 1946, s. 137.

[1]

[2]