Slappeterp
| Slappeterp | ||
| ||
| Slappeterp fan 'e Peinzer kant ôf | ||
| Bestjoer | ||
| Lân |  Nederlân
| |
| provinsje |  Fryslân
| |
| gemeente |  Waadhoeke
| |
| Sifers | ||
| Ynwennertal | 85 1 jannewaris 2023 | |
| Oerflak | 2,52 km², wêrfan: - lân: 2,51 lân km² - wetter: 0,01 km² | |
| Befolkingsticht. | 36 ynw./km² | |
| Oar | ||
| Koördinaten | 53° 12' N 5° 37' E | |
| Offisjele webside | ||
| Side Skingen-Slappeterp | ||
| Kaart | ||
  | ||
Slappeterp is in doarp west fan Menaam yn 'e gemeente De Waadhoeke.
Op 1 jannewaris 2023 hie Slappeterp 85 ynwenners.
Skiednis
[bewurkje seksje | boarne bewurkje]It doarp is ûntstien op in lange kwelderwâl. It heart ta de rige terpen dy't fan Arkens by Frjentsjer oer Skalsum, Peins, Tamterp, en Slappeterp oant de Hege wier tusken Menaam en Berltsum rint. It doarp stie mei de Slappeterper Feart oer de Skingster Feart yn ferbining mei de Harnzer Trekfeart.
Slappeterp is in âld doarp. Yn 'e 13e iuw hiet it Slepelterp en yn 1469 Slepperdorp. Hoe ier der bewenning west hat is net bekend, mar der is yn 'e terp Frankysk diggelguod út de 8e of 9e iuw fûn.
Foar de reformaasje wie Slappeterp in selsstannige parochy, dy't by it dekanaat Frjentsjer yndield wie. Nei de reformaasje foarme Slappeterp mei Skingen ien tsjerklike gemeente. Tsjintwurdich foarmje in grutter tal doarpen ien PKN-gemeente.
De eartiids oan Sint-Dionysius wijde tsjerke is oan it begjin fan de 19e iuw fanwegen brekfalligens ôfbrutsen. Yn 1826 waard de earste stien lein foar in nije tsjerke, mar dy is yn 1926 wer ferfongen troch it hjoeddeiske gebou.
It doarp hat gjin states hân. Wol wiene der in pear sate's.
Mienskip
[bewurkje seksje | boarne bewurkje]Slappeterp foarmet mei Slappeterp in twillingdoarp en de doarpen ha ien feriening foar doarpsbelang. It doarpshûs hjit 'Op Healwei' omdat it healwei Skingen en Slappeterp stiet. Yn 2007 is by it doarp swimfiver 'De Swanneblom' oanlein as fergees alternatyf foar it swimbad yn Menaam.
Tsjerke
[bewurkje seksje | boarne bewurkje]
De Wikipedy hat ek in side Dionysiustsjerke (Slappeterp).
Ferienings
[bewurkje seksje | boarne bewurkje]- Biljertklub De Kromme Keu
- Kaartklub Troef Boer
- Keatsferiening Ontspanning
- Line Dance Klub
- Toanielselskip It sil heve
(Sjoch foar de meast aktuele ynformaasje oer ferienings op de hiemside)
Befolkingsferrin
[bewurkje seksje | boarne bewurkje]| Jier | 1840 | 2013 | 2015 | 2020 |
|---|---|---|---|---|
| Ynwenners | 113 | 80 | 85 | 90 |
(Boarnen: 1840: Plaatsengids, 2013, 2015 en 2020: Alle Cijfers.)
Strjitten
[bewurkje seksje | boarne bewurkje]Kleasterdyk, Menamerdyk, Skingsterdyk.
Sjoch ek
[bewurkje seksje | boarne bewurkje]| Boarnen, noaten en/as referinsjes: | ||
|
