Westhim

Westhim
Bartoloméustsjerke
Bestjoer
Lân	Nederlân
Provinsje	Fryslân
Gemeente	Súdwest-Fryslân
Sifers
Ynwennertal	80 (1 jannewaris 2023)[1]
Oerflak	3,27 km², wêrfan - lân: 2,82 km² - wetter 0,44 km²
Befolkingsticht.	28 ynw./km²
Oar
Tiidsône	UTC +1
Simmertiid	UTC +2
Koördinaten	53° 0' N 5° 32' E
Himrik Westhim yn 'e eardere gemeente Wymbritseradiel
Offisjele webside
Website Easthim
Kaart

Westhim is in doarp súdeast fan Blauhûs oan de Himdyk yn de gemeente Súdwest-Fryslân.

It doarp hat 80 (1 jannewaris 2023)^[2] ynwenners.

Skiednis

De Kat

It doarp ûntstie op in terp oan 'e Westhimster Opfeart nei De Wimerts. Wat súdlik fan 'e terp lei oan 'e Himdyk by Katsyl in slúske, dêr't in buorren mei de namme Grouwe Kat ûntstie. Grouwe Kat en Westhim binne yn 'e rin fan 'e tiid oan inoar groeid. Eartiids hearde ek Blauhûs as buorskip by Westhim, mar sûnt 1949 is dat in selsstannich doarp en foar de foarsjennings is it memmedoarp Westhim sels op Blauhûs oanwiisd.

Sûnt 1275 wurdt it doarp Westhem neamd, alias Hemdijck en dêrnei is der neat mear feroare oan 'e namme. De oerlevering dat der yn 1482 ek in namme Woschem west hat, liket net te kloppen. De doarpsnamme ferwiist nei in binnenpolder of in stik oanslike lân, fan it Aldfryske wurd 'him'.^[3]

De Himdyk is al iuwen âld. It wie eartiids de ienige ferbining mei Blauhûs en Drylts. Folle letter is fan it fuotpaad op de Himdyk in wei makke.

De tsjerke mei syn 13e-iuwske toer wie foar de reformaasje oan de hillige Bartoloméus wijd. Yn 'e klokkestoel hingje twa klokken; ien fan 1353 en ien fan 1639. It midsiuwske tsjerke waard yn 1708 ôfbrutsen en op 'e nij boud. Op 'e âlde klok steane de nammen Bartoloméus en Luidulfrus.

Oant 2011 lei Westhim yn de eardere gemeente Wymbritseradiel.

Mienskip

Stjelp oan De Kat

Westhim hjit yn 'e folksmûle ‘De Kat’ en de bewenners wurde katten neamd. Ek it eardere kafee hie de namme De Kat.

Tsjerke

• PKN Aldegea e.o.

(Yn 1979 binne de doarpen Wolsum, Blauhûs, Greonterp en Westhim tafoege oan 'e protestantske gemeenten fan Aldegea.)^[4]

Skoalle

De measte bern gean yn Blauhûs nei de basisskoalle.

Ferienings

Foar ferienings giet men faak nei Blauhûs. De buertferiening yn it doarp hjit Underlinge Wille.

Befolkingsûntwikkeling

Jier	1954	1959	1964	1969	1973	2007	2015	2020
Ynwenners	188	190	191	165	157	97	69	74

Berne

• Jaring Walta (1887-1971), skilder, tekener en etser.
• Lolkje de Jong-van den Berg (1947-), heechlearaar sosjale farmasy en farmako-epidemiology oan de Ryksuniversiteit Grins.

Strjitten

• De Kat
• Feytebuorren (buorskip)

Sjoch ek

• Fryske doarpen.

Boarnen, noaten en referinsjes

Boarnen, noaten en/as referinsjes:

https://opendata.cbs.nl/statline https://opendata.cbs.nl/statline Friese Plaatsnamen, Karel F. Gildemacher 2007 ISBN 978 90 330 0643 2 Protestantske tsjerke Aldegea Commons Wikimedia Commons  Ofbylden dy't by dit ûnderwerp hearre, binne te finen yn de kategory Westhim fan Wikimedia Commons.

53° 1' NB, 5° 33' EL

	Súdwest-Fryslân
Stêden: Boalsert • Drylts • Hylpen • Snits • Starum • Warkum
Doarpen en útbuorrens: Abbegea • Aldegea • Allingawier • Arum • Blauhús • Boazum • Breesândyk • Britswert • Burchwert • Dearsum • Dedzjum • Easterein • Easterwierrum • Easthim • Eksmoarre • Ferwâlde • Folsgeare • Gaast • De Gaastmar • Gau • Goaiïngea • Greonterp • Hartwert • Heech • It Heidenskip • Hichtum • Hidaard • Hieslum • Himmelum • Hinnaard • De Hommerts • Idzegea • Iens • Yndyk • Ypekolsgea • Ysbrechtum • Itens • Jutryp • Kimswert • Koarnwert • Koarnwertersân • Koudum • Kûbaard • Kûfurderrige • Laaksum • Lytsewierrum • Loaiïngea • Lollum • Longerhou • Makkum • Molkwar • Nijhuzum • Nijlân • Offenwier • Parregea • Penjum • Piaam • Poppenwier • Raerd • Reahûs • Rien • Sânfurd • Sibrandabuorren • Skarl • Skearnegoutum • Skettens • Skraard • Skuzum • Smelbrêge • Surch • Tersoal • Toppenhuzen • Tsjalhuzum • Tsjerkwert • Turns • Twellingea • Waaksens • Wâldsein • Warns • Westhim • Wytmarsum • Wiuwert • Wolsum • Wommels • Wûns
Buorskippen: Aaksens • Abbegeasterketting • Andelahuzen • Annebuorren • Arkum • Atsebuorren • Baarderbuorren • De Band • Barsum • Beabuorren • Bessens • Bernsterbuorren • De Bieren • Bittens • De Blokken • Blomkamp • Boatlân • Bonjeterp • Boppebuorren • De Burd • Dyksterbuorren • Doanjebuorren • Doanjewier • Draeisterhuzen • Eangterp • Easthim (Wytmarsum) • Eksmoardersyl • Feytebuorren • Fiifhûs • Fiskersbuorren • Fjouwerhuzen • Flânsum • It Fliet • Galamadammen • Goaiïngamieden • Goaium • Grauwe Kat • De Grits • Grutte Wiske • Greate Wierrum • Haaium • Harkesyl • De Hel • Hiemert • Hidaardersyl • Hiddum • Hoekens • Hoarnsterbuorren • Hou • Idserdabuorren • Iemswâlde • Yndyk (Boazum) • Ingwert • Ingwier • Jeth • Jonkershuzen • Jousterp • Jouswert • Kâldehuzum • De Kampen • De Kat • Klaeiterp • De Kliuw • Knossens • Koaihuzen • Kromwâl (Boalsert) • Kromwâl (Britswert) • Laerd en Saerd • Lippenwâlde • De Lytse Gaastmar • Lytse Wiske • Lytshuzen • Makkum (Boazum) • Meilahuzen • Montsamabuorren • Mountsjewier • De Nes • Nijbuorren • Nijekleaster • Nijesyl • Osingahuzen • Pikesyl • De Pôle • Rea Skuorre • Remswert • Rytseterp • Saard • Sânfurder Ryp • Syswert • Sjongedyk • Skearnebuorren • Skrok • Sotterum (Koarnwert) • Sotterum (Skettens) • Spears • Spyk • It Strân Swaanwert • Swarte Beien • Trijehuzen (Hidaard) • Trijehuzen (Snits) • Trijehuzen (Wommels) • Tsjerkebuorren • De Wearen • Westerbuorren • Westerlittens • De Wieren • Wolsumerketting • Wonnebuorren
· ·