Cléire

Cléire
	(ga) Cléire
Cineál	Oileán agus an Ghaeltacht
Logainm.ie	12977
Suíomh
Limistéar riaracháin	Contae Chorcaí, Éire
	51° 26′ N, 9° 30′ O / 51.43°N,9.5°W
Suite i nó in aice le limistéar uisce	An Mhuir Cheilteach
Tréithe
Airde os cionn na farraige	160 m
Toisí	1.5 () × 3 () km ;
Achar	5.511 km²
Suíomh gréasáin	capeclearisland.ie

Oileán is ea Cléire^[1] nó Oileán Chléire i ngar do Chontae Chorcaí in Éirinn. Tá breis is 100 duine ina gcónaí ar an oileán. Gaeltacht oifigiúil is ea é.

Tíreolaíocht

Is é Oileán Chléire, atá 7 km ar fhaid agus 2 km ar leithead, an t-oileán is faide ó dheas in Éirinn a bhfuil cónaí ann. Tá sé 15 ciliméadar siar ó Dhún na Séad i gCo. Chorcaí. Tá Carraig Aonair léi féin 3 mhíle siar ón oileán. Síneann Carn Uí Néid, an pointe is faide ó dheas ar an mórthír, siar ó thuaidh.

Áiseanna

Tá tábhacht ar leith ag baint le teach solais Charraig Aonair, atá siar ón oileán, i ngnóthaí turasóireachta an oileáin. Tá an-suim ag turasóirí dul amach leis an Charraig a fheiceáil ar thuras báid.

In 2024, d'fhógair Fáilte Éireann agus Údarás na Gaeltachta infheistíocht nua; caithfear €1 milliún ar Ionad Cuairte agus Oidhreachta Chléire agus Charraig Aonair. Beidh taispeántas 3 Thoiseach san Ionad.^[2]^[3]

Féilte

Sa bhliain 2023, chothaigh AerachAiteachGaelach nasc le pobal an oileáin nuair a d'eagraigh Ruairí Ó Donnabháin agus a chomhghleacaithe Bród Chléire 2023, an chéad fhéile LADTAIÉ+ ar an oileán.

Gaeilge Chléire

Is féidir staidéar a dhéanamh ar chanúint an oileáin sa leabhar Seanchas Chléire le Conchúr Ó Síocháin agus sa leabhar Céad Fáilte go Cléire. Ceann de na shean-dírbheathaisnéisí Gaeltachta é an chéad cheann acu, agus cnuasach béaloidis ón oileán an dara ceann acu.

Daonáireamh 2011

De réir daonáireamh Poblacht na hÉireann 2011 tá cónaí ar 124 (fir, 63; mná, 61) duine ar oileán Chléire. Dúirt 88 duine (74.6% den daonra trí mbliana d'aois nó níos aosta) go raibh an Ghaelainn acu. Dúirt 40 duine (33.6%) go n-úsáidfidís an Ghaelainn go laethúil lasmuigh den chóras oideachais.

Bailte fearainn

Baile Iarthach Theas
Baile Iarthach Thuaidh
Cnocán an Choimthigh
Gleann Iarthach
Gleann Meánach
Gleann Oirtheach
Coinnlín
Crathach Thiar
Crathach Thoir
Cill Leice Fórabhain
Lios Ó Móine
Cnocán na mBairneach
Gort na Lobhar
An tArdghort
Ceathrúna
Comalán

Naisc sheachtracha

Tagairtí

↑ “Cléire/Clear Island | logainm.ie” (ga). Bunachar Logainmneacha na hÉireann (Logainm.ie). An Coimisiún Logainmneacha. Dáta rochtana: 2023-06-22.
↑ Sorcha Ní Mhonacháin / Nuacht RTÉ (2024-09-13). "€4 mhilliún do thograí turasóireachta ar oileáin Ghaeltachta" (as ga-IE).
↑ Máirtín Ó Catháin (14 Meán Fómhair 2024). "Breis is €4 milliún le caitheamh ar fhorbairt ionaid turasóireachta ar Árainn agus ar Chléire" (ga-IE). Tuairisc.ie. Dáta rochtana: 2024-09-15.

[Logainm-1] “Cléire/Clear Island | logainm.ie” (ga). Bunachar Logainmneacha na hÉireann (Logainm.ie). An Coimisiún Logainmneacha. Dáta rochtana: 2023-06-22.

[2] Sorcha Ní Mhonacháin / Nuacht RTÉ (2024-09-13). "€4 mhilliún do thograí turasóireachta ar oileáin Ghaeltachta" (as ga-IE).

[3] Máirtín Ó Catháin (14 Meán Fómhair 2024). "Breis is €4 milliún le caitheamh ar fhorbairt ionaid turasóireachta ar Árainn agus ar Chléire" (ga-IE). Tuairisc.ie. Dáta rochtana: 2024-09-15.

[1]

[2]

[3]