Is í Clann ‘ic Leoid a thóg Eaglais Roghadal nó Tùr Chliamainn na Hearadh sa 16ú haois, agus is ann atá uaigh Alasdair Crotach MacLeòid, ceannaire na Leodaich sna Hearadh agus san Eilean Sgitheanach (Dùn Bheagan) san 18ú haois. Rinneadh an uaigh de naghas eibhir (gneiss Leòdhasach) áitiúil, maisithe le gaineamhchloch ó Mhuile.
Tógadh an eaglais ag baint úsáide as naghas eibhir (gneiss Leòdhasach) áitiúil. Tá plean urláir na heaglaise crosdealbhach, agus tá túr ar an taobh thiar, a bhfuil rochtain air trí dhoras taobh thiar den mheánlann, agus sraith staighrí cloiche agus dréimirí adhmaid. Tá an cór agus an sanctóir mar aon leis an ard-altóir, a bhíodh scartha ón mheánlann le scáthlán adhmaid, suite ar an taobh thoir eile den séipéal. Sna croslanna a théann amach ón mheánlann ar an dá thaobh, tá séipéil bhreise. Go bunúsach is í an stíl ailtireachta atá ann ná an stíl ó 1520 go 1550.
 | Is síol faoi thíreolaíocht na hAlban é an t-alt seo. Cuir leis, chun cuidiú leis an Vicipéid.
Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |
