Fís Éireann

Fís Éireann

(ga) Bord Scannán na hÉireann (ga) Fís Éireann (en) Irish Film Board (en) Screen Ireland
Sonraí
Cineál	eagraíocht eagraíocht scannán comhlacht léiriúcháin
Stair
Dáta a bunaíodh	1980
Gníomhaíocht
Ball de	European Film Promotion European Film Agency Directors
Rialachas corparáideach
Ceanncheathrú	Gaillimh, Éire
Suíomh gréasáin	https://www.screenireland.ie/

Is í Fís Éireann (nó Bord Scannán na hÉireann roimh 2018), gníomhaireacht stáit Phoblacht na hÉireann don tionscal scannánaíochta, teilifíse agus beochana in Éirinn. Tugann sé tacaíocht airgid chun scannáin faisnéise, gearrscannáin, sraitheanna beochana teilifíse agus sraitheanna drámaíochta teilifíse a fhorbairt, a tháirgeadh agus a dháileadh.

Stair

Bhí Bord Scannán na hÉireann (Béarla: Irish Film Board) i mbun oibre ó 1980 go 1987. Le linn na tréimhse sin, léirigh nó comhléirigh an Bord Eat the Peach, Anne Devlin, The Outcasts (1982), agus Angel. Tar éis gur dúnadh é, d'éirigh go breá le roinnt scannán Éireannach a fuair maoiniú seachtrach, mar shampla My Left Foot, The Crying Game agus The Commitments, rud a spreag brústocairí áitiúla chun athbhunú an bhoird a éileamh. Sa bhliain 1993, d’athbhunaigh an tAire Ealaíon, Cultúir agus Gaeltachta, Mícheál D. Ó hUigínn, an bord faoi chathaoirleacht Lelia Doolan.

Ar 10 Aibreán 2018, ag preasagallamh le haghaidh foilseacháin “Infheistíocht inár gCultúr, inár dTeanga, & inár nOidhreacht 2018–2027” (mar chuid de Thionscadal Éireann 2040), d'fhógair An tAire Cultúir, Oidhreachta agus Gaeltachta, Josepha Madigan, go dtabharfaí Fís Éireann (Béarla: Screen Ireland) ar an ngníomhaireacht ón 18 Meitheamh 2018 ar aghaidh. Ba í an tAire Ealaíon, Oidhreachta agus Gaeltachta, Heather Humphreys, a d'fhógair an cinneadh chomh fada siar le 2015.^[1]

Liosta scannán roghnaithe

• Aithrí^[2]
• Arracht^[3]
• Black 47^[4]
• Cáca Milis^[5]
• An Cailín Ciúin^[6]
• Foscadh^[7]
• Song of Granite^[8]
• Yu Ming Is Ainm Dom^[9]

Naisc sheachtracha

• Láithreán gréasáin oifigiúil
• Clár Scannán na hÉireann ag IMDb

Tagairtí

1. Donald Clarke. "Name of Irish Film Board to be changed to Screen Ireland".
2. "Irish Language Feature Film Aithrí to Premiere on TG4 this Easter".
3. "Arracht".
4. "Black 47".
5. "Cáca Milis".
6. "An Historic First: Irish Language Feature Film An Cailín Ciúin Scoops Grand Prix Award at the Berlinale".
7. "Foscadh".
8. "Song of Granite".
9. "Yu Ming is Ainm Dom".