Tubaiste i Muir nIocht, Samhain 2021

Tubaiste i Muir nIocht, Samhain 2021

51° 09′ 27″ N, 1° 50′ 57″ E / 51.1574963°N,1.8491113°E / 51.1574963; 1.8491113
Cineál	tubaiste ar muir
Dáta na bliana	24 Samhain 2021
Líon básanna	27
Líon ar iarraidh	1
Líon na marthanóirí	2

Teifigh i gCalais, 2015. Scriosann na póilíní sa Fhrainc na pubaill agus trealamh atá ag na teifigh ó am go ham.

Tharla Tubaiste i Muir nIocht ar 24 Samhain 2021 nuair a báthadh 27 duine - imircigh ó thíortha éagsúla - agus iad ag iarraidh dul trasna na farraige idir an Fhrainc agus Sasana. Tugadh triúr ón uisce agus iad fós ina mbeatha.^[1]

Baineann na teifigh úsáid as Zodiac, bád inséidte, go minic

Cúlra

Géarchéim gan réiteach ba ea líon na n-imirceach, as an Domhan Thoir den chuid is mó, a bhí ag iarraidh teacht chun na Breataine ón bhFrainc i mbáid bheaga gach aon lá sna 2020idí.^[1]

Áirítear gur éirigh le thart ar 25,000 duine an turas farraige a dhéanamh sa bhliain 2021 agus go mb'éigean do na seirbhísí éigeandála beagnach 8,000 eile a tharrtháil.

Imeachtaí

Ar 24 Samhain 2021, chuaigh an bád ina raibh na teifigh faoi i Muir nIocht amach ó chalafort Dover. Ghlaoigh na teifigh go leor uaireanta ar na seirbhísí éigeandála sa Fhrainc agus sa Bhreatain ar feadh roinnt uair an chloig. Ach níor tugadh aird ar bith ar a n-iarratas.^[2][3][4] Ní raibh na teifigh i bhfad ó uiscí teorann na Breataine sula ndeachaigh an bád go tóin poill.

Ba chuma leis na seirbhísí éigeandála sa sioc faoin drochbhail a bhí ar na teifigh ... cuireadh mórfhaillí ina leith níos déanaí.^[5]

Iascaire a chuir fios ar na húdaráis faoi dheireadh nuair a chonaic sé coirp ar barr uisce.

Freagra polaitiúil

Dúirt na polaiteoirí go léir gur tragóid a bhí ann agus dúirt gur lucht gáinneála ar dhaoine a bhí freagrach as. Ach bhí an eachtra ina údar mór aighnis idir an Fhrainc agus an Bhreatain. Chuir an dá thaobh i leith a chéile nach bhfuil siad ag déanamh a ndíchill leis an gceist a fhuascailt.^[1][6]

Féach freisin

• Ar 18 Meitheamh 2000, thángthas ar 58 duine as an tSín marbh in aonad leoraí in Dover in Kent.^[7]
• Eachtra imirceach Essex (2019)
• Géarchéim imirceach na hEorpa

Tagairtí

1. Nuacht RTÉ (2021-11-24). "Tubaiste i Muir nIocht: 31 imirceach ar a laghad báite" (as ga). 
2. "DOCUMENT FRANCEINFO. "T'entends pas, tu seras pas sauvé" : l'enquête sur le naufrage mortel de migrants dans la Manche accable les secours français" (fr-FR). Franceinfo (2022-11-16). Dáta rochtana: 2022-11-16.
3. Le Monde (2022-11-13). "L’enquête sur la mort de 27 migrants dans la Manche en 2021 accable les secours" (fr). Le Monde.fr. Dáta rochtana: 2022-11-16.
4. "Naufrage mortel de 27 migrants dans la Manche : l'enquête accable les secours français - France Bleu" (fr). ici, par France Bleu et France 3 (2022-11-16). Dáta rochtana: 2023-11-24.
5. "Naufrage dans la Manche : face aux enquêteurs, la défense en bloc des militaires du Cross" (fr). Le Monde.fr (2023-06-13). Dáta rochtana: 2023-11-24.
6. "Naufrage de migrants dans la Manche : l'association Utopia 56 pointe "une forme de désinvolture, de la négligence, de l'imprudence"" (fr-FR). Franceinfo (2023-05-26). Dáta rochtana: 2023-11-24.
7. "2000 Dover incident" (as en) (2021-03-08). Wikipedia.