不滿之冬
不滿之冬（英文：Winter of Discontent）係描述英國1978年-1979年嗰冬天嗰一隻術語。許時間英國嗰工會展開廣泛嗰罷工運動，為得爭得佢俚會員高滴子嗰酬勞；但係同時間英國政府計劃控制用人工資，為到限制通貨膨脹。
時任嗰工黨政府為到控制通貨膨脹，同得英國工會達成協議：政府有權設定工人工資增長嗰限額，仰上英國嗰通貨膨脹率由1975年嗰峰值26.9%回落到1978年嗰10%以下。等箇隻協議臨了要結束嗰時間，Denis Healey到1978年7月21號推出一本白皮書，話從箇年8月1號起，工人工資嗰增長率要拕限制到5%。工會表示堅決反對，末後展開劇烈嗰罷工遊行運動。好似Ford公司，話係佢許年收益不錯，結果也遵守5%嗰基本線，佢嗰員工曉得後仰上罷工，末後基本線才拕提高到17%。別嗰行業跟得跟從“5%”嗰底線，咁全國性嗰罷工正式展開，好似卡車司機、惡屑清理員都一下罷工，舞得相關行業拕逼得提高工資增長率。