Mousinéri-Tonnégrann
|
Monsinéri-Tonégrann | |||
|---|---|---|---|
| |||
| Administrasyon | |||
| Péyi | Lagwiyann (Lafrans) | ||
| Mèr | Patrick Lecante | ||
| Démografi | |||
| Jantilé | |||
| Popilasyon | 2 477 zab. (2014) | ||
| Dansité | 4,1 zab./km² | ||
| Jéyografi | |||
| Altitid | Min. 0 m – Max. 112 m m. | ||
| Siperfisi | 600 km² | ||
Mousinéri-Tonnégrann sa roun koumin fransé di réjyon-an di lout-lanmè di Lagwiyann.
Li ka konpozé so kò di 2 bour distenk : Mousinéri ké Tonnégrann.
Jéyografi
[chanjé | Chanjé wikikod]Lokalizasyon
[chanjé | Chanjé wikikod]
Koumin-an ka sitchwé so kò atè Lagwiyann, asou kontinan-an di Lanmérik di Sid. Li sa antouré di larivyè é di mangròv.
Koumin limitròf-ya ké Mousinéri-Tonnégrann sa o nò Makourya, à lès Matouri, o sid Roura, é à lwès Kourou.
Zanmo oben kartché
[chanjé | Chanjé wikikod]Otour di Mousinéri-Tonnégrann ka ègzisté plizyò zanmo oben kartché : Château d'Eau, Karapa, Quesnel, Risquetout, Champs-Virgile, Kalani, Desflot, Garin, Bannann.
Lidrografi
[chanjé | Chanjé wikikod]Kour dilo-a ki ka travèrsé Mousinéri sa larivyè Mousinéri. Tourism-an ka pèrmèt di dékouvri so péyzaj bwazé, so mangròv-ya ké so park à zwit, (zwit di pativyé (Crassostrea rhizophorae Guilding), lanblenm di Mousinéri é linik park di lostréykiltir di départman.
Klima
[chanjé | Chanjé wikikod]Klima sa di tip ékwatoryal (Af annan klasifikasyon-an di Köppen) pannan tout lannen-an.
Vwè di kouminikasyon ké transpò
[chanjé | Chanjé wikikod]
I ka ègzisté 2 mwéyen di randé so kò di Kayenn, chèf-lyé atè Mousinéri.
Pannan ségon simès di 2010, oun bis di TIG té ka asiré lign-an ant Mousinéri ké Pwent Libèrté-a (òbò di flòv bò di Kayenn). Sa lign malérézman té siprimen koumansman novanm 2010.
An désanm 2013, 1'òt lign, d'Agglobus, té kréyé asou trajé Galion, Tonnégrann, Mousinéri jouk marché o frwi di Kayenn.
Tòponnimi
[chanjé | Chanjé wikikod]Mousinéri-Tonnégrann té ka aplé so kò ròtfwè Viriot. Sa mo sa roun patronnim orijinèr di départman fransé dé Voj an Lorenn. A roun ipokoristik (diminitif) di ansyen prénon Viry, li-menm varyan di prénon Jil(Gilles).
Koumin-an té ka poté non-an di Tonnégrann-Mousinéri di 1969 à 1994.
Non-an di Tonnégrann sa roun défòrmasyon-an di lèsprésyon « Tonnè ka grondé ».
Listwè
[chanjé | Chanjé wikikod]Asou téritwè kouminal-a nou ka trouvé bangn dé Annanmit, koté té fika dépòrté prizonnyé endochinwè-ya, bò'd 1930.
Kiltir lokal ké patrimwenn
[chanjé | Chanjé wikikod]Lyé ké monnouman
[chanjé | Chanjé wikikod]
- Bangn dé Annanmit,
- Légliz Saint-Jean-Baptiste, annan bour di Mousinéri, ki enskri Monnouman istorik dipi 1995, rèstoré, é ki ka akéyi an 2011 katolik-ya pou lanmès-a,
- Légliz Saint-Louis, annan bour di Tonnégrann,
- Santral fotovòltayk-a di Toukan.
Tchwizin di Mousinéri-Tonnégrann
[chanjé | Chanjé wikikod]Bour di Mousinéri konnèt pou so fanmé zwit-ya é sa-a di Tonnégrann pou so krab.