365 días (filme)

365 días
Ficha técnica
Título orixinal	365 dni
Director	Barbara Białowąs; Tomasz Mandes;
Produtor	Maciej Kawulski; Ewa Lewandowska; Tomasz Mandes;
Guión	Tomasz Klimala; Barbara Białowąs; Tomasz Mandes; Blanka Lipińska;
Baseado en	365 dni de Blanka Lipińska
Intérpretes	Anna-Maria Sieklucka; Michele Morrone; Bronisław Wrocławski; Otar Saralidze; Magdalena Lamparska; Natasza Urbańska;
Música	Michał Sarapata; Mateusz Sarapata;
Fotografía	Mateusz Cierlica
Montaxe	Marcin Drewnowski
Estudio	Ekipa Sp. z o.o.; Future Space; Next Film; TVN;
Distribuidora	Next Film
Estrea	7 de febreiro de 2020
Duración	114 minutos
Orixe	Polonia
Xénero	Suspense erótico
Recadación	9,5 millóns de dólares
Filme seguinte	365 días: Aquel día (2022)
Na rede

365 días^[2] (en polaco: 365 dni) é un filme polaco de 2020 dirixido por Barbara Białowąs e Tomasz Mandes. Baséase na primeira novela da triloxía de Blanka Lipińska, e conta a historia dunha muller de Varsovia (Anna-Maria Sieklucka) que se namora dun dominante home siciliano (Michele Morrone), que a encarcera e impón un período de 365 días para namorarse del.

365 días estreouse nos cinemas de Polonia o 7 de febreiro de 2020. Estreouse internacionalmente a través de Netflix o 7 de xuño de 2020, onde conta con opción de subtitulado en galego, traducido por Jeiry Castellano.^[3] Rapidamente gañou a atención mundial, converténdose no filme máis visto en territorios de todo o mundo, incluído nos Estados Unidos. A pesar desta popularidade, o filme recibiu críticas universalmente negativas, especialmente dirixidas á súa glorificación da mafia e o uso intensivo de secuencias sexuais que inclúen a violencia sexual, facendo comparacións coa triloxía de Fifty Shades of Grey. A súa secuela, titulada 365 días: Aquel día, estreouse en Netflix o 27 de abril de 2022.

Personaxes

Anna-Maria Sieklucka como Laura Biel
Michele Morrone como Escudero "Massimo"
Bronisław Wrocławski como Mario
Otar Saralidze como Domenico
Magdalena Lamparska como Olga
Natasza Urbańska como Anna
Grażyna Szapołowska como Klara Biel
Tomasz Stockinger como Tomasz Biel
Gianni Parisi como pai de Massimo
Mateusz Łasowski como Martin
Blanka Lipińska como a esposa^[4]

Estrea

365 días estreouse nos cinemas de Polonia o 7 de febreiro de 2020, recadando 9 millóns de dólares.^[1]

Notas

↑ ^1,0 ^1,1 "365 Days (2020)". Box Office Mojo. Consultado o 12 de xuño de 2020.
↑ pipocas.amesa.gal (ed.). "365 días". Consultado o 16 de xaneiro de 2023.
↑ Manuel Arca Castro (ed.). "365 días en galego en Netflix". Consultado o 7 de maio de 2022.
↑ "365 dni" – vía www.filmweb.pl.

Véxase tamén

Outros artigos

Lista de títulos con versión en galego nas plataformas de streaming

[bom-1] 1,0 ^1,1 "365 Days (2020)". Box Office Mojo. Consultado o 12 de xuño de 2020.

[2] s.amesa.gal (ed.). "365 días". Consultado o 16 de xaneiro de 2023.

[3] Manuel Arca Castro (ed.). "365 días en galego en Netflix". Consultado o 7 de maio de 2022.

[4] "365 dni" – vía www.filmweb.pl.

[1]

[2]

[3]

[4]