ATP Recordings
| ATP Recordings | |
|---|---|
| Tipo | selo discográfico |
| Data de fundación | 1999 |
| Sede | Londres |
| País | Reino Unido |
| Na rede | |
| http://www.atprecordings.com | |
| [ editar datos en Wikidata ] | |
ATP Recordings é un selo discográfico fundado en 2001 polo promotor de concertos londiniense Barry Hogan de Foundation/All Tomorrow's Parties. Orixinalmente creouse para realizar un CD recompilatorio (ATPRCD01) despois de que Tortoise fose o comisario do evento All Tomorrow's Parties. En primeiro lugar, a todos os que asistiron ao festival entregouselles un sampler promocional de edición limitada (PROATPFCD01), cuxo embalaxe facíase eco do estilo de Peter Saville de Factory Records. A recompilación completa seguiulle máis adiante, e de feito outros festivais de ATP tamén terían as súas compilacións, o último deles o Nightmare Before Christmas de 2006, para o cal o selo e a revista Plan B Magazine nun CD gratuíto para os asistentes.
O selo finalmente pasou de realizar recompilatorios do festival a asinar con bandas como Threnody Ensemble, Bardo Pond, The Magic Band, Jackie-O Motherfucker, Deerhoof e White Out (con Jim O'Rourke). Nos últimos anos ATP Recordings medrou e agora tamén ten no seu catálogo a Apse, Alexander Tucker, Death Vessel, The Drones, Fuck Buttons, Fursaxa, The Scientists, Sleepy Sun, Built To Spill e Autolux.
Máis recentemente, cara finais do ano 2007, anunciaron plans de publicar unha nova serie de sinxelos dobre de 7" chamada Custom Made, onde os artistas poderían elixir catro cancións: unha algo antiga, unha nova, unha versión e outra a súa elección. Os priemiros artistas en lanzar os seus sinxelos con este formato foron The Drones, Alexander Tucker and Deerhoof.
