Aero L-159 Alca

Aero L-159 Alca
Tipocombate lixeiro/adestrador avanzado
FabricanteAero Vodochody
Primeiro voo4 de agosto de 1997
Introducidoabril de 2000
Principais usuariosForza Aérea da República Checa
Forza Aérea de Iraq
Unidades construídas72

O Aero L-159 Alca é un avión de combate lixeiro e adestrador avanzado subsónico desenvolvido nas versións monopraza L-159A e bipraza L-159B. O L-159 é fabricado na República Checa por Aero Vodochody. Deriva do adestrador Aero L-59 Super Albatros, que á súa vez é un desenvolvemento da serie Aero L-39 Albatros.

O desenvolvemento do L-159 comezou en 1993 como unha iniciativa para substituír varios cazas da época soviética por un equivalente moderno de fabricación checa; decidiuse non seguir un deseño de folla limpa para evitar custos excesivos. O desenvolvemento foi apoiado polo goberno checo, que pediu 72 L-159A monoprazas por uns 50 000 millóns de coroas checas para equipar á Forza Aérea da República Checa. En 1998 Boeing Company converteuse nun socio estratéxico tanto do proxecto como de Aero Vodochody. O 4 de agosto de 1997 o L-159 realizou o seu voo de estrea e o 10 de abril de 2000 o frimeiro avión de produción foi entregado á Forza Aérea checa. Continuouse o desenvolvemento do tipo, en particular do modelo L-159B de dous asentos.

No ano 2003 a frota de 72 L-159A da Forza Aérea da República Checa reducíuse a 24 debido a retricións orzamentarias. Tras varios anos de almacenamento o goberno revendeu a meirande parte dos avións tanto a operadores militares como civís, principalmente á Forza Aérea de Iraq e a Draken International.

O L-159 combateu coa Forza Aérea de Iraq contra o ISIS. Con Draken o L-159 (coñecido coloquialmente como "Honey Badger") foi empregado como avión agresor.[1] Dende 2007, seis L-159A reconstruídos como derivados de adestramento T1. En 2017 Aero Vodochody deu a coñecer un L-159T1 de nova construción para a Forza Aérea de Iraq mentres que a Forza Aérea checa vai mercar L-159T2 biprazas.[2][3]

Notas

[editar | editar a fonte]
  1. ↑ "Draken Europe's L-159E ALCAs en route to Teesside". www.key.aero (en inglés). Consultado o 2022-05-16. 
  2. ↑ "Aero restarts L-159 ALCA production, touts Argentina as potential customer". web.archive.org. 2017-06-06. Archived from the original on 06 de xuño de 2017. Consultado o 2022-05-16. 
  3. ↑ "First L-159T2 for Czech Air Force takes flight". www.key.aero (en inglés). Consultado o 2022-05-16.