Amaranthus powellii

Amaranto colorado
Clasificación científica
Reino: Plantae
Subreino: Tracheobionta
División: Magnoliophyta
Clase: Magnoliopsida
Subclase: Caryophyllidae
Orde: Caryophyllales
Familia: Amaranthaceae
Subfamilia: Amaranthoideae
Xénero: Amaranthus
Especie: ''Amaranthus powellii''

Amaranthus powellii é unha especie herbácea cosmopolita pertencente á familia Amaranthaceae.

Descrición

[editar | editar a fonte]

Amaranthus powellii é unha planta herbácea monoica e anual, xeralmente glabra, de 1 m de altura (até 1,5 m), con talos xeralmente verticais verdes, ás veces avermellados ou púrpuras, e bastante ramificados. As follas, alternas, teñen un pecíolo substancialmente tan longo como a extremidade. A lámina da folla, cunha marxe completa, rombo-ovada a lanceolada, ten de 4 a 8 cm de longo e de 2 a 3 cm de ancho.

Froito aberto e semente.

As inflorescencias (similares ás de Amaranthus hybridus, pero máis grosas) adoitan ser terminais e consisten en espigas terminais ou axilares, erectas e ríxidas, de até 15 cm de longo, de cor verde prata, algunhas veces tinguidas de vermello, que son sustentadas por varias brácteas lanceoladas lineais de 2.5 a 5 mm de longo, inclúen moitas flores femininas (pistiladas) e masculinas (estaminadas).[1] As flores pistiladas teñen de 3 a 5 tépalos desiguais (ou sépalos), os tépalos exteriores son aproximadamente elípticos, de 1.5 a 3.5 mm. O estilo ten tres estigmas. Os froitos secos son subglobulares ou ovoides comprimidos, de 2 a 3 mm de longo, con cápsula de dehiscencia circuncisa regularmente, cada un dos cales contén unha soa semente. Sementes, lisas, brillantes, negras, subglobosas a lenticulares, teñen un diámetro de 1 a 1.4 mm.[2][3]

Distribución

[editar | editar a fonte]

Nativa de Norteamérica. É unha herba anual que medra en terreos baldíos e cultivos. Sae como malezas en cultivos, particularmente de millo e soia, cuxas poboacións resistentes aos herbicidas xurdiron desde finais dos anos 70 en América do Norte e Europa.

Hábitat

[editar | editar a fonte]

Comunidades nitrófilas, especialmente arvenses.[1]

Taxonomía

[editar | editar a fonte]

Amaranthus powellii foi descrita por Sereno Watson e publicada en: Proceedings of the American Academy of Arts and Sciences vol. 10 páx.347, no ano 1875.

Sinonimia[4]
  • Amaranthus bracteosus
  • Amaranthus chlorostachys var. powellii
  • Amaranthus chlorostachys var. pseudoretroflexus
  • Amaranthus hybridus subsp. powellii
  • Amaranthus hybridus var. pseudoretroflexus
  • Amaranthus hypochondriacus var. powellii
  • Amaranthus obovatus
  • Amaranthus powellii subsp. powellii
  • Amaranthus pseudoretroflexus
  • Amaranthus retroflexus var. powellii
  • Amaranthus retroflexus var. pseudoretroflexus

Usos

[editar | editar a fonte]

A etnia mestiza (México) úsaa como condimento para os alimentos[5]

Notas

[editar | editar a fonte]
  1. ↑ 1,0 1,1 Fl. Ib. gen. Amaranthus
  2. ↑ "17. Amaranthus powellii S. Watson, Proc. Amer. Acad. Arts. 10: 347. 1875 (as Amarantus).". Flora of North America (en inglés). Consultado o 27 de febreiro de 2019. 
  3. ↑ "Amaranthus powellii green amaranth, Powell's amaranth". Burke Herbarium Image Collection (en inglés). Arquivado dende o orixinal o 28 de febreiro de 2019. Consultado o 27 de febreiro de 2019. 
  4. ↑ GBIF Amaranthus powellii
  5. ↑ "Torre, Lucía de la ; Navarrete, Hugo ; Muriel M., Priscilla ; Macía Barco, Manuel Juan ; Balslev, Henrik (eds.). Enciclopedia de las plantas útiles del Ecuador, 2008". Arquivado dende o orixinal o 28 de febreiro de 2019. Consultado o 27 de febreiro de 2019. 

Véxase tamén

[editar | editar a fonte]

Ligazóns externas

[editar | editar a fonte]