Arxentiniformes

Artigo principal: Osmeriformes.

Alepocephalus tenebrosus (Alepocephalidae).

A dos arxentiniformes (Argentiniformes) é, para algúns autores, unha orde de peixes teleósteos mariños icluída na superorde dos protacantopterixios.

Características

Trátase dun primitivo grupo de peixes de mar aberto, repartidos en dúas subordes, a dos Alepocephaloidei (coas familias dos Alepocephalidae, Bathylaconidae e Platytroctidae) e a dos Argentinoidei (coas familias dos Argentinidae, Microstomatidae e Opisthoproctidae). Os membros deste grupo comparten un número de caracteres internos osteolóxicos e outros. Teñen unha aleta adiposa, a aleta dorsal está máis atrás que a parte media do lombo e as marxes da mandíbula superior están formadas polos ósos maxilar e premaxilar.^[1]

Clasificación controvertida

Pero moitos autores modernos non están de acordo sobre a composición e as relacións filoxenéticas deste grupo, e así tanto o WoRMS, como o ITIS e como a FishBase, baseándose en estudos recentes, clasifácanos, engadindo as familias dos Galaxiidae e os Retropinnidae,^[1] dentro da orde dos osmeriformes.^[2][3]

De feito, as bases de datos máis empregadas polos ictiólogos, dividen a superorde dos paracantopterixios nas tres ordes seguintes:

• Superorde Protacantopterixios ^[4]
  • Orde Esociformes
  • Orde Osmeriformes
  • Orde Salmoniformes

Notas

1. Dianne J. Bray: Order Argentiniformes en Fishes of Australia. Consultada o 30 de decembro de 2016.
2. Eschmeyer, W. N. & Fricke R., eds. (2011): "Catalog of fishes. Updated Internet version of 05 May 2011. Catalog databases of CAS cited in FishBase (website).
3. Van Der Laan, R., Eschmeyer, W. N. e Fricke, R. (2014): "Family-group names of Recent fishes". Zootaxa 3882 (2): 1–230.
4. Protacanthopterygii no ITIS.

Véxase tamén

Wikimedia Commons ten máis contidos multimedia na categoría:  Arxentiniformes

Wikispecies posúe unha páxina sobre:  Arxentiniformes

Bibliografía

• Burton, Maurice & Robert Burton (1984): Encyclopedia of Fish. Saint Louis, EE.UU: BPC Publishing. ISBN 0-7064-0393-2.
• Eschmeyer, W. N.; R. Fricke & R. van der Laan, eds. (2016): Catalog of Fishes: Genera, Species, References. (Ver en liña).
• Nelson, Joseph S. (2006): Fishes of the World (4th ed.). Nova York: John Wiley & Sons, Inc. ISBN 0-4712-5031-7.
• Van der Land, J.; Costello, M. J.; Zavodnik, D.; Santos, R. S.; Porteiro, F. M.; Bailly, N.; Eschmeyer, W. N.; Froese, R. (2001): "Pisces", en: Costello, M. J. et al. (Eds.) European register of marine species: a check-list of the marine species in Europe and a bibliography of guides to their identification. París: Muséum national d'Histoire naturelle. Collection Patrimoines Naturels, 50. ISBN 2-85653-538-0, pp. 357–374.

Outros artigos

• Protacantopterixios
• Osmeriformes

Ligazóns externas

• Order Argentiniformes Arquivado 31 de decembro de 2016 en Wayback Machine. en Fossilworks.
• Argentiniformes no NCBI.