Asha-Rose Migiro

Asha-Rose Migiro

(2009)
Biografía
Nacemento	(mul) Asha-Rose Mtengeti 9 de xullo de 1956 (68 anos) Songea, Tanzania ^(pt)
High Commissioner of Tanzania to the United Kingdom ^(en)
2016 –
Minister of Constitutional and Legal Affairs ^(en)
20 de xaneiro de 2014 – 5 de novembro de 2015 ← Mathias Chikawe ^(pt)
3ª Deputy Secretary-General of the United Nations ^(en)
5 de febreiro de 2007 – 1 de xullo de 2012 ← Mark Malloch Brown, Baron Malloch-Brown ^(pt) – Jan Eliasson →
Minister of Foreign Affairs ^(en)
6 de xaneiro de 2006 – 11 de xaneiro de 2007 ← Jakaya Kikwete ^(pt) – Bernard Membe →
Member of the National Assembly of Tanzania ^(en)
Datos persoais
Educación	Universidade de Dar es Salaam ^(pt) Universidade de Constança ^(pt) Weruweru Secondary School ^(en)
Actividade
Ocupación	política, diplomática, xurista, avogada
Empregador	ONU Universidade de Dar es Salaam ^(pt)
Partido político	Partido da Revolução ^(pt)
Influencias	Maria Kamm ^(en)
Premios
Fellow of the Tanzania Academy of Sciences ^(en)

Asha-Rose Mtengeti Migiro, nada en Songea o 9 de xullo de 1956, é unha política e diplomática tanzana que se traballou como vicesecretaria xeral da Organización das Nacións Unidas entre 2007 e 2012.^[1]

Traxectoria

Primeiros anos e educación

Nada en Songea, na rexión de Ruvuma, Migiro comezou a súa educación na escola primaria Mnazi Mmoja en 1963. Logo trasladouse á escola primaria Korogwe, á escola secundaria Weruweru e, finalmente, á escola secundaria Korogwe, onde se graduou en 1975.^[2] Obtivo o seu grao na Universidade de Dar és Salaam e o seu doutoramento en 1992 na Universidade de Constanza en Alemaña. Antes de ingresar na política, foi profesora titular na Facultade de Dereito da Universidade de Dar es Salaam.^[3]

Carreira política

Membro do partido Chama Cha Mapinduzi desde 1994, integrou o Consello Executivo Rexional do mesmo entre 2000 e 2005. De 2000 a 2005, foi tamén ministra de desenvolvemento comunitario, mulleres e nenos. Converteuse en ministra de relacións exteriores e cooperación internacional o 4 de xaneiro de 2006, cando o anterior ministro, Jakaya Kikwete, foi elixido como presidente. Migiro foi a primeira muller nese posto desde a independencia da República Unida de Tanzania.^[4]

Como ministra de relacións exteriores, acompañou ao expresidente das Comores, Azali Assoumani, durante unha xira polo novo consulado do seu país en Tanzania e inspeccionou un hospital tanzano.^[5] Kikwete nomeou a Bernard Membe para suceder a Migiro como ministra en xaneiro de 2007.^[6]

Nacións Unidas

Foi nomeada para o cargo de vicesecretaria xeral das Nacións Unidas por Ban Ki-moon, tras asumir o seu posto como Secretario Xeral das Nacións Unidas, o 5 de xaneiro de 2007.^[1] Segundo Ban, Migiro «é unha líder moi respectada que defendeu a causa dos países en desenvolvemento ao longo dos anos». Tamén expresou que «a través do seu distinguido servizo en diversas áreas, demostrou habilidades de xestión excepcionais con ampla experiencia en asuntos socioeconómicos e asuntos de desenvolvemento».^[7] Segundo The New York Times, isto foi para cumprir a súa promesa de elixir a unha muller do mundo en desenvolvemento para o posto de vicesecretaria xeral.^[8] O Centro de Noticias das Nacións Unidas observou que Migiro e Ban traballaran xuntos cando eran ministros de relacións exteriores dos seus respectivos países.^[3] Foi nomeada formalmente e asumiu o cargo o 1 de febreiro de 2007.^[9]

Durante o seu traballo nas Nacións Unidas, tamén foi membro da Comisión sobre a Cooperación para o Desenvolvemento Efectivo con África, que foi establecida polo Primeiro Ministro danés Anders Fogh Rasmussen e celebrou reunións entre abril e outubro de 2008.^[10] En setembro de 2009, viaxou a Roma e tivo unha reunión co ministro de Asuntos Exteriores italiano, Franco Frattini, e o papa Bieito XVI para falar sobre a violencia contra as mulleres. Segundo os informes, os representantes das Nacións Unidas estaban a prepararse para finalizar unha iniciativa destinada a deter a ablación xenital feminina e o xenocidio.^[11]

Anos posteriores

O presidente John Magufuli designouna como Alta Comisionada (embaixadora) ante o Reino Unido en maio de 2016.^[12]

Notas

1. Associated Press authors (5 de xaneiro de 2007). "Tanzania's Migiro is U.N. deputy". www.cnn.com (CNN). Arquivado dende o orixinal o 07 de xaneiro de 2007. Consultado o 6 de xaneiro de 2007. 
2. "Member of Parliament CV". Parlamento de Tanzania. Arquivado dende o orixinal o 18 de maio de 2015. Consultado o 13 de xaneiro de 2007. 
3. "Tanzanian Foreign Minister named new UN Deputy Secretary-General". UN News Centre. 5 de xaneiro de 2007. 
4. Muhiddin, Hassan (5 de xaneiro de 2006). "JK's beefed up team". The Guardian (IPPMedia Ltd). Arquivado dende o orixinal o 03 de xaneiro de 2007. Consultado o 6 de xaneiro de 2007. 
5. Kisembo, Patrick. "We'll do business together, Comoros president promises". The Guardian (IPPMedia Ltd). Arquivado dende o orixinal o 30 de setembro de 2007. Consultado o 12 de xaneiro de 2007. 
6. "Membe new Foreign minister". TSN Daily News (TSN). 12 de xaneiro de 2007. Arquivado dende o orixinal o 27 de setembro de 2007. Consultado o 13 de xaneiro de 2007. 
7. ^{[Ligazón morta]}
8. Preston, Julia (5 de xaneiro de 2007). "Tanzanian Woman Is Chosen for U.N.'s 2nd Highest Post". The New York Times (The New York Times Company). Consultado o 13 de xaneiro de 2007. 
9. "New UN Deputy Secretary-General takes oath of office", Xinhua, 6 de febreiro de 2007.
10. Commission on Effective Development Cooperation with Africa Folketing.
11. UN Official Visits Benedict XVI
12. "Magufuli names Asha-Rose Migiro ambassador to UK", The Guardian, 5 de maio de 2016.