Atelopus limosus

Atelopus limosus

Femia (terras altas)
Estado de conservación
En perigo
En perigo[1]
Clasificación científica
Reino: Animalia
Filo: Chordata
Clase: Amphibia
Orde: Anura
Suborde: Neobatrachia
Familia: Bufonidae
Xénero: Atelopus
Especie: A. limosus
Nome binomial
Atelopus limosus
Ibáñez, Jaramillo & Solís, 1995
Amplexo de A. limosus.

Atelopus limosus[1][2] é unha especie de sapo da familia Bufonidae endémica de Panamá, onde lle dan o nome de sapo Limosa.[1][3] Os seus hábitats naturais son as beiras de regatos en bosques de terras baixas húmidas e ríos da cunca do Chagres, na rexión central de Panamá. É un dos sapos máis pequenos do mundo; os machos miden de 26 a 30 mm e as femias de 36 a 40 mm.

Descrición

[editar | editar a fonte]

A. limosus ten dúas formas de coloración. Unha forma de cor das terras baixas, que é marrón cun fociño e puntas dos dedos amarelos, e outra forma de cor das terras altas, que é verde con marcas negras con forma de V invertido no dorso. Machos e femias de ambas as formas de cor son dimórficas sexualmente. Os machos son máis pequenos con ventre branco salpicado de manchas negras, mentres que as femias tenden a ter unha barriga vermella ou alaranxada.

Sábese pouco da súa dieta na natureza, pero crese que e similar á doutras especies de Atelopus que se aimentan de escaravellos, formigas, moscas e ácaros.[4] En catividade, as ras aceptan rapidamente grandes moscas da froita, pequenas larvas de vermes e pequenos grilos.

Conservación

[editar | editar a fonte]
Femia das terras baixas sobre un tronco, que busca compañeiro.

A. limosus está ameazado pola quitridiomicose (infección fúnxica) e a perda de hábitat. A especie declinou rapidamente na súa área de distribución. Aproximadamente o 75% de todas as especies coñecidas de terras altas de máis de 1000 m de altura xa desapareceron, mentres que o 58% das especies de terras baixas están declinando e o 38% desapareceron.[5] Debido á preocupación polos efectos da quitridiomicose sobre este anfibio panameño endémico, o Proxecto de Rescate e Conservación de Anfibios Panameño considerou a A. limosus como unha especie prioritaria para manter individuos en catividade como colonia segura no Parque Municipal do Cumio da cidade de Panamá. Cando o equipo de rescate chegou a un dos últimos sitios nas terras altas onde se sabía que vivía a especie en Cerro Brewster atopou que a maioría dos individuos estaban xa afectados pola quitridiomicose.[6] O programa de cría en catividade foi exitoso.[2] Aínda que a rexión de terras altas parece que foi duramente afectada pola quitridiomicose, o destino das poboacións das teras baixas é máis indeterminado, xa que este fungo parasito parece ter efectos máis acusados nos lugares de terras altas.

Galería

[editar | editar a fonte]
  • Atelopus limosus femia (forma das terras altas).
    Atelopus limosus femia (forma das terras altas).
  • Atelopus limosus macho (forma das terras altas).
    Atelopus limosus macho (forma das terras altas).
  • Atelopus limosus xuvenil.
    Atelopus limosus xuvenil.

Notas

[editar | editar a fonte]
  1. ↑ 1,0 1,1 1,2 Ibáñez, R., C. A. Jaramillo, and F. A. Solís (1995). "Una especie nueva de Atelopus (Amphibia: Bufonidae) de Panama" (PDF). Caribbean Journal of Science 31 (1-2): 57–64. Arquivado dende o orixinal (PDF) o 23 de setembro de 2015. Consultado o 20 de agosto de 2015. 
  2. ↑ 2,0 2,1 Lindsay Renick Mayer (22 March 2013). "Rescue Project Successfully Breeds Endangered Frog Species". Panama Amphibian Rescue and Conservation Project. Consultado o 14 de setembro de 2014. 
  3. ↑ Frost, Darrel R. (2014). "Atelopus limosus Ibáñez, Jaramillo, and Solís, 1995". Amphibian Species of the World: an Online Reference. Version 6.0. American Museum of Natural History. Consultado o 14 de setembro de 2014. 
  4. ↑ P Durant, JW Dole (1974) Food of Atelopus oxyrhynchus (Anura: Atelopodidae) in a Venezuelan cloud forest Herpetologica 30:183-187
  5. ↑ La Marca, E.; Lips, K. R.; Lotters, S.; Puschendorf, R.; Ibanez, R.; Rueda-Almonacid, J. V.; Schulte, R.; Marty, C.; Castro, F.; Manzanilla-Puppo, J.; Garcia-Perez, J. E.; Bolanos, F.; Chaves, G.; Pounds, J. A.; Toral, E.; Young, B. E. (2005). "Catastrophic population declines and extinctions in Neotropical harlequin frogs (Bufonidae: Atelopus)". Biotropica 37 (2): 190–201. doi 10.1111/j.1744-7429.2005.00026.x.
  6. ↑ "Panama amphibian rescue challenged by rapid spread of chytrid fungus". Panama Amphibian Rescue and Conservation Project. 12 January 2010. Consultado o 14 de setembro de 2014. 

Véxase tamén

[editar | editar a fonte]

Ligazóns externas

[editar | editar a fonte]