Aziru foi o gobernante cananeo de Amurru, o Líbano moderno, no século –XIV. Era fillo de Abdi-Ashirta, o anterior vasalo exipcio de Amurru.
Os tratados de Aziru son ben coñecidos polas cartas de Amarna. Mentres era un vasalo formal de Exipto, intentaba expandir o seu reino cara á costa mediterránea e tomou a cidade de Sumur (Simyrra). Isto viuse con alarma polos estados veciños, especialmente Rib-Addi, o rei de Gubla, (Biblos), que solicitou que fosen enviadas tropas exipcias para a súa protección. Solicitóuselle a Aziru que se presentase perante o faraón exipcio Akhenaton para explicar os seus feitos. Aziru, con todo, empezara a ter contactos secretos co rei hitita Suppiluliumas I, e á súa volta a Amurru puxo en funcionamento a súa alianza cos hititas. Foi executado despois por Horemheb e os seus invasores exipcios, despois de que se declarase a paz entre Exipto e os hititas.