Batalla de Haelen
| Batalla de Haelen, parte da Batalla das fronteiras | |||||||||
|---|---|---|---|---|---|---|---|---|---|
| |||||||||
| Combatentes | |||||||||
 Bélxica
|
.svg){kind=small} Imperio Alemán
| ||||||||
A batalla de Haelen foi unha batalla da fronte occidental da primeira guerra mundial. Produciuse o 12 de agosto de 1914 no contexto da batalla das fronteiras e enfrontou a tropas alemás dirixidas por Georg von der Marwitz e o exército belga, que finalizou cunha vitoria táctica belga.
Contexto da batalla
[editar | editar a fonte]Haelen foi unha granxa que debían atravesar as tropas xermanas no seu avance cara a Francia. A toma permitiría unha boa visión do río Gete. Os alemáns chegaron aquí unha semana despois da invasión de Bélxica. Pola súa banda, os belgas organizaron un ataque para deter o avance alemán a través do seu país. A vitoria belga tamén permitiría unha reorganización da retagarda aliada.
Batalla
[editar | editar a fonte]11 de agosto
[editar | editar a fonte]O Alto Mando belga cría que os alemáns avanzarían cara Hasselt e Diest. Para deter ás tropas imperiais xermanas, o xeneral Leon de Witte foi destinado a Haelen, para protexer a ponte sobre o río Gete.
12 de agosto
[editar | editar a fonte]Na mañá do 12 de agosto, o Alto Mando belga descubriu que un importante continxente xermano se dirixía cara ás posicións do xeneral Witte e enviou unha brigada de infantaría de reforzo.
A batalla iniciouse ás 8 da mañá cando tropas alemás avanzaron dende Herk-de-Stad e foron atacados polos continxentes belgas. Aproximadamente 200 belgas estableceron unha posición fortificada na cervexería de Haelen. Non obstante, tiveron que abandonar o edificio cando a artillaría alemá disparou a este edificio. Ao mesmo tempo, os enxeñeiros belgas derrubaban a ponte sobre o Gete. As cargas non foron suficientes e só cedeu unha parte da estrutura. Isto permitiulle aos alemáns cruzar a ponte e enviar uns 1 000 homes ao centro de Haelen. Os oficiais do exército imperial confiaban nunha fácil vitoria e correron moitos riscos. As defensas belgas estaban ben situadas e causaron un elevado número de baixas nas tropas inimigas, provocando a retirada das mesmas cara ao leste de Haelen.
Consecuencias
[editar | editar a fonte]Para os belgas foi unha clara vitoria, pero de pouca repercusión, xa que non evitou a caída de Bélxica en mans dos alemáns. Para estes, foi un revés destacado, xa que as baixas foron moito maiores do pensado.