Bob Bondurant

Bob Bondurant

(2012)
Biografía
Nacemento	(en) Robert Bondurant 27 de abril de 1933 Evanston, Estados Unidos de América
Morte	12 de novembro de 2021 (88 anos) Phoenix, Estados Unidos de América
Actividade
Ocupación	piloto de Fórmula Un, piloto de automobilismo
Deporte	automobilismo
Participou en
	24 Horas de Le Mans
Premios
Motorsports Hall of Fame of America
Descrito pola fonte	Bob Bondurant, Car Racer Who Tutored Actors on the Track, Dies at 88 ^(en)

A Galipedia ten un portal sobre: Fórmula 1

Robert "Bob" Bondurant, nado en Evanston (Illinois) o 27 de abril de 1933 e finado en Paradise Valley, Arizona, o 12 de novembro de 2021,^[1] foi un piloto de automobilismo e motociclismo estadounidense. Correu para os equipos Shelby American, Ferrari e Eagle.

Traxectoria

Durante a súa adolescencia pilotou unha motocicleta Indian en óvalos de terra. En 1956 cambiou a Morgan e empezou a chamar a atención cando gañou o Campionato de produción "B" da Costa Oeste, nun Chevrolet Corvette gañando 18 de 20 carreiras.

O concesionario de Santa Barbara de Chevrolet, Shelly Washburn contratou a Bondurant en 1961 para pilotar o seu # 614 Corvette de 1959. Algúns dos mellores duelos de Corvette foron entre el e David McDonald na costa oeste durante a década dos 60. No Gran Premio L.A. Times en outubro de 1962, Bondurant pilotou o novo Corvette Z06 Stingray de Washburn de 1963. Entre 1961 e 1963, gañou 30 das 32 carreiras en Corvettes de Washburn.

The Shelby Daytona Cupé pilotado por Bondurant e Jochen Neerpasch nos 1000 km de Nürburgring de 1965.

En 1963 converteuse en membro do equipo Ford Cobra de Carroll Shelby, gañando a súa primeira carreira na Continental Divide Raceway en Colorado, seguida dunha vitoria na xeral na carreira de The Times Grand Prix GT en Riverside en outubro de 1963. Para a tempada da FIA de 1964, despois de terminar a segunda no GT en Sebring, Bondurant estivo en Europa competindo cos novos 289 FIA Cobras na Targa Florio, Spa e Nurburgring. A súa vitoria máis coñecida foi gañar a clase GT nas 24 Horas de Le Mans de 1964 no novo Cobra Daytona Coupe de Shelby con Dan Gurney como co-piloto. En 1965, Bondurant gañou o Campionato Mundial de Fabricantes da FIA para Shelby American e Ford, gañando sete das dez carreiras contra o dominante Ferrari 250 GTO en Europa. O mesmo ano pilotou un coche de Fórmula 1 de Ferrari no Gran Premio dos Estados Unidos de 1965 en Watkins Glen International e pilotou un Lotus 33 para Reg Parnell no seguinte Gran Premio de México de 1965.

En 1966 Bondurant traballou como consultor técnico para a película de John Frankenheimer Grand Prix e adestrou o actor principal da película James Garner para conducir coches de Fórmula nas secuencias de carreiras. Bondurant tamén pilotou un BRM en cinco Grandes Premios para Team Chamaco Collect, finalizando 4º no Gran Premio de Mónaco de 1966. Terminou a tempada de Fórmula 1 en América do Norte en dúas carreiras, pilotando un Eagle para o Anglo American Racers de Dan Gurney.

En 1967 pilotou nas CanAm series e nun Corvette L88 Coupe de Le Mans liderou a clase GT ata que fallou un pasador no inicio da mañá. Máis tarde aquel mes mentres pilotaba un McLaren, en Watkins Glen, rompeulle o brazo de dirección a 241´4 km/h achegandose a sección Loop-Chute de Watkins Glen (a actual curva 5, pero sen a zona de escape, que foi instaladada en 1992). Bondurant sufriu grandes lesión nas costelas, pernas, pés e o que é máis grave, lesións nas costas no accidente posterior no que o seu coche envorcou oito veces. Os médicos dixéronlle que seguramente non volvería camiñar, pero a través da coraxe e do traballo duro superou as súas feridas.

Mentres se recuperaba, Bondurant redactou unha idea para unha escola de condución de alto rendemento tomando como base as experiencias que tiña de adestrar a James Garner para a película "Grand Prix". A Bob Bondurant School of High Performance Driving abriu a comezos de 1968 en Orange County International Raceway e trasladouse a Ontario e posteriormente mudouse a Sonoma, onde foi unha figura importante no desenvolvemento da pista. Nissan Motor Company (baixo a marca Datsun nos Estados Unidos de América) Foi o socio patrocinador de Bondurant na súa escola dende o seu inicio e continuou nese papel na escola de condución de Sonoma Raceway.

Na carreira de xuño de 1969 da dura carreira Baja 500, Bondurant co co-piloto Tony Murphy tomou o primeiro posto na clase de turismo pilotando un SC / Rambler do equipo "American International Racers" de James Garner que foi patrocinado por American Motors Corporation (AMC) [1].

Bondurant fixo catro saídas na NASCAR, todos no Riverside International Raceway, o seu mellor final foi 18º en 1981.

Tras o terremoto de Loma Prieta de 1989, mudou a escola de condución a Phoenix Arizona, onde ten estreitos lazos con General Motors e Pneumáticos Goodyear.

Bondurant foi instrutor de condución dos actores James Garner, Paul Newman, Clint Eastwood, Robert Wagner, Tim Allen, Tom Cruise, e Nicolas Cage.^{[Cómpre referencia]}

Rexistro de carreiras

SCCA National Championship Runoffs

ano	Circuíto	Coche	Motor	Clase	Final	Saída	Status
1977	Road Atlanta	Chevrolet Camaro		American Sedan	6	8	correndo

Resultados Completos na Fórmula Un

(Chave) As carreiras en letra grosa indican pole position; as carreiras en cursiva indican volta rápida.

Ano	Equipo	Chasis	Motor	1	2	3	4	5	6	7	8	9	10	Pos.	Puntos
1965	North American Racing Team	Ferrari 158	Ferrari V8	RSA	MON	BEL	FRA	GBR	NED	ALE	ITA	USA 9		NC	0
	Reg Parnell (Racing)	Lotus 33	Climax V8										MEX Ret
1966	Team Chamaco Collect	BRM P261	BRM V8	MON 4	BEL Ret	FRA	GBR 9	NED	ALE Ret	ITA 7				14º	3
	Anglo American Racers	Eagle T1G	Climax 4 en liña								USA DSC
			Weslake V12									MEX Ret

Resultados completos nas 24 Horas de Le Mans

Ano	Equipo	Co-Pilotos	Coche	Clase	Voltas	Pos.	Clase Pos.
1964	Shelby-American Inc.	Dan Gurney	Shelby Cobra Daytona	GT +3.0	334	4º	1º
1965	R.R.C. Walker Racing Team Shelby-American Inc.	Umberto Maglioli	Ford GT40 Mk.I	P 5.0	29	Ret.	Ret.
1966	North American Racing Team (NART)	Masten Gregory	Ferrari 365 P2	P 5.0	88	Ret	Ret
1967	Dana Chevrolet Inc.	Dick Guldstrand	Chevrolet Corvette C2	GT +5.0	167	Ret.	Ret.

Notas

1. "Bob Bondurant 'iconic American racing hero' dies at 88 in Paradise Valley". Fox 10 Phoenix. Consultado o 14 de novembro de 2021. 

Véxase tamén

Wikimedia Commons ten máis contidos multimedia na categoría:  Bob Bondurant

Bibliografía

• Phil Henny (2007): Bob Bondurant: America's uncrowned World Driving Champion. Editions Cotty, ISBN 0-9765247-0-8.
• Phil Henny et al (2008): Bob Bondurant: Des Cobra à la Formule 1, la même passion. Editions Cotty, ISBN 978-0-9765247-3-1.

Ligazóns externas

• Bondurant Racing School
• Bondurant Kart Racing School
• Bondurant Driving & Racing School Programs
• The Bondurant Methodology
• Bondurant Racing School History Arquivado 14 de xaneiro de 2016 en Wayback Machine.