Borrelia recurrentis

Borrelia recurrentis
Clasificación científica
Dominio: Bacteria
Filo: Spirochaetes
Orde: Spirochaetales
Familia: Spirochaetaceae
Xénero: Borrelia
Especie: 'B. recurrentis'
Nome binomial
'Borrelia recurrentis'

Borrelia recurrentis é unha especie de bacteria do grupo das espiroquetas, que causa a febre recorrente epidémica.[1][2] B. recurrentis transmítese xeralmente de persoa a persoa a través dun vector, que é o piollo humano corporal (Pediculus humanus humanus),[3] o cal foi descuberto por Otto Meier no século XIX.[4]

Un estudo de 2011 encontrou ADN de B. recurrentis no 23% dos piollos da cabeza (Pediculus humanus capitis) de pacientes de febre recorrente transmitida por piollos en Etiopía. Quedou por determinar se o piollo da cabeza pode transmitir a enfermidade de persoa a persoa (ademais do piollo corporal).[4]

A especie é notable pola súa capacidade de alterar as proteínas que expresa na súa superficie, o cal causa a recorrencia característica da enfermidade que produce.[5]

Como ocorre con moitas outras especies de Borrelia, o cultivo de B. recurrentis é difícil e pouco fiable como proba. O patóxeno pode cultivarse in vitro en medios de cultivo especiais (BSK-II), pero en certas circunstancias require unha incubación de ata 4 semanas. Outra dificultade é o illamento do patóxeno dos fluídos corporais (sangue), que só ten éxito en aproximadamente o 10-20% dos casos.

A detección destes patóxenos realízase facendo unha identificación molecular utilizando a reacción en cadea da polimerase (PCR) ou microscópica no sangue do paciente. A preparación faise con tinguidura Giemsa ou tinguidura de Wright. As bacterias vivas poden detectarse mediante microscopía de campo escuro ou de contraste de fase.

Notas

[editar | editar a fonte]
  1. ↑ Cutler SJ, Moss J, Fukunaga M, Wright DJ, Fekade D, Warrell D (1997). "Borrelia recurrentis characterization and comparison with relapsing-fever, Lyme-associated, and other Borrelia spp". International journal of systematic bacteriology 47 (4): 958–68. PMID 9336893. doi:10.1099/00207713-47-4-958. 
  2. ↑ Meri T, Cutler SJ, Blom AM, Meri S, Jokiranta TS (2006). "Relapsing fever spirochetes Borrelia recurrentis and B. duttonii acquire complement regulators C4b-binding protein and factor H". Infection and immunity 74 (7): 4157–63. PMC 1489703. PMID 16790790. doi:10.1128/IAI.00007-06. 
  3. ↑ Madigan, Michael T.; Martinko, John M. (2006). Brock biology of microorganisms. Upper Saddle River, NJ: Pearson Prentice Hall. p. 410. ISBN 0-13-144329-1. 
  4. ↑ 4,0 4,1 Boutellis A, Mediannikov O, Bilcha KD, Ali J, Campelo D, Barker SC, et al. Borrelia recurrentis in head lice, Ethiopia. Emerg Infect Dis [Internet]. 2013 May [May 13, 2013]. http://dx.doi.org/10.3201/eid1905.121480 DOI: 10.3201/eid1905.121480.
  5. ↑ Fisher, Bruce; Harvey, Richard P.; Strohl, William A.; Champe, Pamela C. (2007). Lippincott's Illustrated reviews, microbiology. Hagerstwon, MD: Lippincott Williams & Wilkins. p. 166. ISBN 0-7817-8215-5.