Caicos Central

Caicos Central

Tipo	illa district of the Turks and Caicos Islands ^(en)
Parte de	Ilhas Caicos ^(pt)
Situado na entidade xeográfica	Ilhas Caicos ^(pt)
Localización
División administrativa	Turks e Caicos, Reino Unido
21°47′17″N 71°44′04″O / 21.78819, -71.73454
Bañado por	Mar Caribe
Características
Dimensións	8,12 () × 25,2 () km
Superficie	135,9 km²

Caicos Central, tamén chamada Gran Caicos, (en inglés:Middle Caicos ou Grand Caicos) é a illa máis grande das illas Turks e Caicos. Ao oeste, está separado de Caicos do Norte polo Juniper Hole, e ao leste, de Caicos do Leste polo Lorimer Creek, ambos son pasaxes estreitas que só permiten o paso de pequenas embarcacións.

A illa é coñecida polo seu extenso sistema de covas e polos seus importantes sitios arqueolóxicos indíxenas lucaiáns. A illa está conectada a Caicos do Norte a través dun camiño.

Xeografía

Caicos Central ten unha superficie de 144,2 km², por encima da marca da marea alta, e de 294,1 km² en marea baixa. A diferenza entre os dous valores que non se contabiliza ao medir a superficie. A poboación estimada era de 468 habitantes en 2006. Forma parte do distrito de Caicos do Norte e Caicos Central.

As áreas naturais destacables son o pintoresco porto de Mudjin, situado na ribeira norte e as covas de Conch Bar. Na parte oriental das illas atópanse as ruínas da plantación de Haulover.^[1] Hai polo menos 38 sitios lucaians en Caicos Central. Escavacións recentes revelaron que Caicos Central era probablemente o principal asentamento dos lucaios nos subtropicos. As probas de asentamentos lucaios datan do 750 d.C e os arqueólogos cren que ata 4.000 indios vivían na illa.^[2]

Poboación

A poboación residente de Caicos Central estímase en 275 habitantes.^[3] Caicos Central perdeu case a metade da súa poboación desde 2006, cando vivían alí 408 persoas, é a menos poboada de todas as illas habitadas das Illas Caicos.

Asentamentos de Caicos Central

Hai tres localidades en Caicos Central, de leste a oeste:

Lorimers

Situada no extremo medio nordés da Illa, esta vila interior está situada ao longo da entrada da lagoa. É a máis pequena das tres aldeas de Caicos Central.

Bambarra

Situada ao leste do Conch Bar a aproximadamente media milla no interior, esta aldea é o segundo asentamento máis grande de Caicos Central. É notable como a única cidade do arquipélago de Turks e Caicos que ten un nome de procedencia africana. Con boa reputación, a vila fundouse por superviventes do buque escravista español Trouvadore que afundiu preto de Caicos Central en 1842.^[4]

Conch Bar

A maior das tres aldeas de Caicos Central, Conch Bar é a sede do aeroporto da illa, a escola primaria e as súas oficinas gobernamentais. Un parque nacional nas covas de Conch Bar alberga o maior sistema de covas por riba da auga nas Bahamas. As covas de pedra calcaria foron utilizadas como mina de guano durante a década de 1880. Os artefactos indíxenas dos lucaios e os restos esqueléticos de animais foron descubertos polas escavacións, pero non foron conservados.^[5]

Notas

1. "Haulover Plantation". Visit Turks and Caicos Islands. Consultado o 2016-04-10. 
2. "Lucayans - Turks and Caicos National Museum". Turks and Caicos National Museum (en inglés). Consultado o 2016-04-10. 
3. "Vaping in 2014: Vape Pens, Tanks, and E-liquid Reviews!". smoking.vaporizerviews.com (en inglés). Arquivado dende o orixinal o 03 de xuño de 2013. Consultado o 2016-04-10. 
4. Leshikar-Denton, Margaret E.; Erreguerena, Pilar Luna (2008-10-15). Underwater and Maritime Archaeology in Latin America and the Caribbean (en inglés). Left Coast Press. ISBN 9781598742626. 
5. "Conch Bar Caves". Visit Turks and Caicos Islands. Consultado o 2016-04-10. 

Véxase tamén

Wikimedia Commons ten máis contidos multimedia na categoría:  Caicos Central

Ligazóns externas

• [1] - Middle Caicos at TCI Mall