Capacidade cranial
A capacidade cranial é a medida do volume interior do cranio dos vertebrados, é dicir, dos animais que posúen tanto cranio coma cerebro. A unidade de medida máis usada é o centímetro cúbico (cm3).
O volume do cranio úsase como un indicador aproximado do tamaño do cerebro, e este, á súa vez, úsase como un indicador para estimar a intelixencia potencial dun organismo. Así, nos vertebrados, o aumento desta capacidade, observado ao longo da evolución, está en relación co aumento da intelixencia e a complexidade psicocomportamental. O aumento desta capacidade atinxe o seu máximo no ser humano e prodúcese grazas a un aumento masivo do córtex cerebral que, facendo fronte a un volume non expansíbel da caixa cranial, engurrou, formándose sucos profundos chamados circunvolucións. A superficie do córtex chega a alcanzar máis de 0,22 m², e parece que hai unha relación entre o grao de engurramento e a intelixencia.[1]
Porén, as capacidades craniais máis grandes non son sempre indicativas de que un ser vivo sexa máis intelixente, debido a que tamén se require un volume maior para controlar un corpo máis grande ou, nalgúns casos, é unha característica adaptativa para a vida nun medio máis frío.
Exemplos de capacidade cranial en mamíferos actuais
[editar | editar a fonte]- Orangutáns: 275–500 cm³
- Chimpancés: 275–500 cm³
- Gorilas: 340–752 cm³
- Neandertais: 1100–1900 cm³
- Humanos: 1200–1850 cm³
Exemplos de capacidade cranial en homínidos primitivos
[editar | editar a fonte]Notas:
1. Os volumes indicados son orientativos, existindo variación para cada un dos fósiles individuais
2. MA = millóns de anos.
| Especie | Tamaño (cm3) |
Número de espécimes |
Idade (MA) |
|---|---|---|---|
| Australopithecus afarensis | 438 | 4 | 3,6–2,9 |
| Australopithecus africanus | 452 | 7 | 3,0–2,4 |
| Paranthropus boisei | 521 | 1 | 2,3–1,4 |
| Paranthropus robustus | 530 | 1 | 1,9–1,4 |
| Homo habilis | 612 | 6 | 1,9–1,6 |
| Homo rudolfensis | 700 | 1 | 2.4–1.6[2] |
| Homo ergaster | 871 | 3 | 1,9–1,7 |
Notas
[editar | editar a fonte]- ↑ Functions of the Cerebral Cortex Arquivado 11 de abril de 2015 en Wayback Machine., en Serendip (en inglés) Consultada o 3 de abril de 2015.
- ↑ Bromage TG, McMahon JM, Thackeray JF; et al. (2008). "Craniofacial architectural constraints and their importance for reconstructing the early Homo skull KNM-ER 1470". The Journal of Clinical Pediatric Dentistry 33 (1): 43–54. PMID 19093651.
Véxase tamén
[editar | editar a fonte]Bibliografía
[editar | editar a fonte]- McHenry, Henry M. (2002): "Introduction to the fossil record of human ancestry", en Walter C. Hartwig, The Primate Fossil Record. Cambridge University Press. ISBN 0-521-66315-6
