Carpobrotus acinaciformis

Carpobrotus acinaciformis
Clasificación científica
Reino: Plantae
División: Magnoliophyta
Clase: Magnoliopsida
Orde: Caryophyllales
Familia: Aizoaceae
Subfamilia: Ruschioideae
Tribo: Ruschieae
Xénero: 'Carpobrotus'
Nome binomial
Carpobrotus acinaciformis
(L.) L. Bolus, 1927

A Carpobrotus acinaciformis é unha especie de planta suculenta perenne nativa de Suráfrica pertencente á familia Aizoaceae.

Descrición

[editar | editar a fonte]

Planta perenne suculenta de follas grosas, crasas de 4-13 cm, opostas de sección triangular. Ten un porte rastreiro con talos longos moi ramificados (até 1,5 m). Con grandes flores de cor maxenta (até 12 cm) solitarias e terminais.[1] Falsos estames purpúreos, o que a diferenza de Carpobrotus edulis.[2]

Especie invasora

[editar | editar a fonte]

Son amplamente cultivadas, especialmente para fixación de dunas e noiros. Naturalizóse en Europa a finais do s. XVII en zonas próximas ao mar.

Presenta un marcado carácter invasor debido fundamentalmente á súa capacidade de multiplicación vexetativa (reprodución asexual por agamospermia) e reprodución sexual. Roedores e gaivotas dispersan os froitos, mentres que o seu sabor desagradable limita o control por parte de herbívoros.[1]

España

[editar | editar a fonte]

Debido ao seu potencial colonizador e constituír unha ameaza grave para as especies autóctonas, os hábitats ou os ecosistemas, esta especie foi incluída no Catálogo Español de Especies Exóticas Invasoras, regulado polo Real Decreto 630/2013, de 2 de agosto, estando prohibida en España, salvo Canarias, a súa introdución no medio natural, posesión, transporte, tráfico e comercio.[3]

Taxonomía

[editar | editar a fonte]

Carpobrotus acinaciformis foi descrita por (L.) L. Bolus e publicado en Fl. Pl. South Africa 7: t. 247 1927.[4]

Etimoloxía

Carpobrotus: nome xenérico que deriva do grego karpos (froita) e brota (comestible) e refírese a que son froitas comestibles.[5]

acinaciformis: epíteto latino que significa "con forma de cimitarra".[6]

Sinonimia
  • Mesembryanthemum acinaciforme L. (1753) basónimo
  • Abryanthemum acinaciforme (L.) Rothm.
  • Carpobrotus concavus L.Bolus (1936)
  • Carpobrotus vanzijliae L.Bolus (1927)
  • Carpobrotus laevigatus (Haw.) N.E.Br.
  • Mesembryanthemum laevigatum Haw. (1803)
  • Carpobrotus laevigatus (Haw.) Schwantes
  • Carpobrotus rubrocinctus (Haw.) N.E.Br.
  • Mesembryanthemum rubrocinctum Haw. (1812)
  • Carpobrotus subalatus (Haw.) N.E.Br.
  • Mesembryanthemum subalatum Haw. (1803)[7]

Notas

[editar | editar a fonte]
  1. ↑ 1,0 1,1 "Asturnatura.com. 'Carpobrotus acinaciformis (L.) Bolus". 
  2. ↑ García Rollán, Mariano (1999). "DICOTILEDÓNEAS". Atlas clasificatorio de la flora de España Peninsular y Balear (en castellano). Madrid: Centro de Publicaciones de la Secretaría General Técnica del Ministerio de Agricultura, Pesca y Alimentación. Gobierno de España. p. 80. ISBN 84-491-0412-2. Falsos estambres purpúreos 
  3. ↑ "Real Decreto 630/2013, de 2 de agosto, por el que se regula el Catálogo español de especies exóticas invasoras.". Boletín Oficial del Estado. 
  4. ↑ "Carpobrotus acinaciformis". Tropicos.org. Missouri Botanical Garden. Consultado o 11 de agosto de 2012. 
  5. ↑ Carpobrotus acinaciformis en Flora de Canarias
  6. ↑ En Epítetos Botánicos
  7. ↑ "Carpobrotus acinaciformis". Conservatorio y Jardín Botánico de Ginebra: Flora africana. Consultado o 5 de xullo de 2011.