Cefepime
| Cefepime | |
|---|---|
 | |
| Identificadores | |
 Se cre que pode requirir tratamento, por favor, consúltello ao médico. |
Cefepime é un antibiótico beta-lactámico pertencente á cuarta xeración de cefalosporinas. Foi comercializada baixo o nome de Maxipime.
Espectro de acción
[editar | editar a fonte]Cefepime posúe un amplo espectro de actividade, que abrangue[1]:
Bacterias grampositivas
Bacterias gramnegativas
- Acinetobacterium
- Aeromonas
- Citrobacter
- Escherichia coli
- Haemophilus influenzae
- Klebsiella
- Moraxella catarrhalis
- Morganella morganii
- Proteus
- Providencia
- Pseudomonas
- Serratia
Indicacións clínicas
[editar | editar a fonte]En España, a Axencia Española de Medicamentos aprobou as seguintes indicacións: infección respiratoria, infección de pel e partes brandas, infección urinaria, infección abdominal, infección xinecolóxica, meninxite bacteriana e neutropenia febril.
Dosificación
[editar | editar a fonte]Unicamente existe formulación inxectable. A dose oscila entre 1 e 2 gramos cada 8 ou 12 horas. Debe ser axustada en poboación pediátrica e en insuficiencia renal (filtrado menor de 30)[2]. .
Embarazo e lactación
[editar | editar a fonte]Cefepime non mostrou danos en modelos animais, pero non existen estudos controlados durante o embarazo (pertence por tanto á categoría B da FDA). Excrétase en pequenas cantidades no leite materno polo que se aconsella precaución no seu emprego[3].
Efectos secundarios
[editar | editar a fonte]Ademais dos efectos secundarios habituais das cefalosporinas, destaca certa toxicidade neurolóxica (encefalopatía, confusión, mioclonías, convulsións), especialmente en pacientes con insuficiencia renal cando se empregan altas doses.
Notas
[editar | editar a fonte]- ↑ "Ficha técnica de cefepime da AEMPS" (PDF) (en Castelán). Arquivado dende o orixinal (PDF) o 22 de setembro de 2018. Consultado o 22 setembro 2018.
- ↑ Josep Mensa Pueyo (2015). Guía de terapéutica antimicrobiana (en castelán). ISBN 9788488825155.
- ↑ "Ficha técnica de cefepime da FDA" (PDF) (en inglés). Consultado o 22 setembro 2018.