Cinta (algas)
| Cinta | |||||||||||||||
|---|---|---|---|---|---|---|---|---|---|---|---|---|---|---|---|
| |||||||||||||||
| Clasificación científica | |||||||||||||||
| |||||||||||||||
| Nome binomial | |||||||||||||||
| 'Himanthalia elongata' Linneo, S.F. Gray | |||||||||||||||
A cinta (Himanthalia elongata) é unha alga parda comestible orixinaria do océano Atlántico, tamén coñecida como correa ou correola e comercializada para o seu consumo como alimento humano, co nome de espaguetes de mar.
Características
[editar | editar a fonte]Ten formas estreitas e alongadas, e cor entre castaña e verde oliveira. Medra a partir dun botón cóncavo fixo nas rochas, do que sae o talo en forma de cinta de até 3 m de lonxitude que se divide dicotomicamente.
Ás veces aparece recuberta por unha especie de veludo denso, de cor parda escura, debido á alga Herponema velutinum.
É frecuente velas desprendidas e botadas polas ondas nas praias, formando argazos.
Uso alimentario
[editar | editar a fonte]É moi versátil como alimento, pola súa riqueza nutritiva, a súa textura carnosa e sabor suave ao padal.
En Escocia e Irlanda é usada xunto con outras para facer pan de algas.
É agradable e fácil de usar na cociña como ingrediente en arroces, pastas e até é usada en aperitivos fritidos que lembran polo seu sabor as lulas e os chocos
Propiedades nutritivas
[editar | editar a fonte]A cinta destaca especialmente pola súa riqueza en ferro, máis que o lévedo de cervexa e até nove veces máis que as lentellas. E proporciona ao mesmo tempo a vitamina C necesaria para a súa asimilación.
Tamén achega unha boa cantidade do resto de minerais, destacando o potasio e o fósforo.
Valores nutricionais típicos da cinta (cantidades cada 100 g) [1]
- Calcio 490 mg
- Fósforo 240 mg
- Magnesio 435 mg
- Potasio 8.250 mg
- Sodio 4.100 mg
- Ferro 59 mg
- Proteínas 8,4 g
- Graxas 1,1 g
- Vitamina A 0,07 mg
- Vitamina B1 0,02 mg
- Vitamina B2 0,02 mg
- Vitamina C 28,5 mg
Destaca o seu baixo contido en graxas, sendo ademais principalmente insaturadas, con ácidos graxos esenciais como o omega 3 e omega 6 que axudan á diminución do nivel de colesterol.
Notas
[editar | editar a fonte]Véxase tamén
[editar | editar a fonte]Outros artigos
[editar | editar a fonte]Bibliografía
[editar | editar a fonte]- Fernández Saa, C. (2002) Algas de Galicia. Alimento y Salud. Redondela: Algamar. ISBN 84-607-4503-1. (en castelán)
- Bárbara, I.; Cremades, J. (1993). Guía de las algas del litoral gallego. A Coruña: Concello da Coruña - Casa das Ciencias. (en castelán)
Ligazóns externas
[editar | editar a fonte]- Algas na alimentación humana un relatorio da FAO (en inglés)
