Daifuku

Este artigo amosa escritos xaponeses. Sen o soporte axeitado, o texto pode mostrar símbolos sen sentido, coma caixas, marcas e outros.

O daifuku (大福,^?, literalmente ‘gran sorte’) ou daifukumochi (大福餅^?) é un wagashi (doce xaponés) consistente nun pequeno mochi (pastel de arroz glutinoso) cun recheo doce, comunmente anko, pasta adozada de feixóns vermellos azuki.

Elabóranse moitas variedades de daifuku. O máis común é un mochi branco, verde claro ou rosa claro recheo con anko, que adoita vir en dous tamaños, un pequeno e outro do tamaño da palma da man. Algunhas variedades conteñen pezas de froita enteira (as máis das veces amorodos), mesturas de froita e anko ou pasta de melón esmagado. Case todos os daifuku recóbrense cunha fina camada de amidón de millo ou taro para evitar que se peguen entre si, ou aos dedos. Algúns recóbrense con azucre glas ou cacao.^{[Cómpre referencia]} Aínda que o mochitsuki é o método tradicional de elaborar mochi e daifuku, tamén poden facerse no microondas.^[1]

Historia

O daifuku foi chamado orixinalmente harabuto mochi (腹太餅,^?, ‘pastel de arroz ventre groso’) por ir recheo. Máis tarde o nome cambiou a daifuku mochi (大腹餅,^?, ‘pastel de arroz ventre grande’). Debido a que fuku (腹^?) (‘ventre’) e fuku (福^?) (‘sorte’) se pronuncian igual en xaponés, o nome cambiou máis adelante a daifuku mochi (大福餅,^?, ‘pastel de arroz gran sorte’), propiciatorio da boa sorte. Para finais do século XVIII, o daifuku estaba gañando popularidade e a xente empezou a consumilo torrado. Tamén se usaban coma agasallo en ocasións cerimoniosas.^[2]

Variedades

Yomogi daifuku (蓬大福^?): Unha versión feita con kusa mochi (草餅^?), que é mochi con sabor a artemisa.

Ichigo daifuku (イチゴ大福^?): Unha variante con amorodo e recheo docce, habitualmente anko, dentro dun mochi redondo pequeno. Ás veces úsanse cremas para o recheo doce. Por conter o amorodo, adoita mercarse na primavera. Foi inventado nos anos 1980. Moitas pastelarías atribúense a invención, non coñecéndose a súa orixe exacta.

Yukimi Daifuku (雪見だいふく^?): Unha marca de xeado de mochi fabricada pola compañía Lotte.

Notas

↑ "Not-So-Stressful Microwave Mochi". The Fatty Reader (en inglés). Arquivado dende o orixinal o 20 de xaneiro de 2013. Consultado o 28 de xuño de 2015.
↑ "Daifuku". Diccionario de Etimología (en xaponés).

Véxase tamén

Outros artigos

Mochi
Anko

[1] "Not-So-Stressful Microwave Mochi". The Fatty Reader (en inglés). Arquivado dende o orixinal o 20 de xaneiro de 2013. Consultado o 28 de xuño de 2015.

[2] "Daifuku". Diccionario de Etimología (en xaponés).

[1]

[2]