David Meca
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde decembro de 2015.) |
 | Este artigo ou sección precisa dunha revisión do formato que siga o libro de estilo da Galipedia. Pode axudar a mellorar este artigo e outros en condicións semellantes. |
 (2013)  | |
| Biografía | |
|---|---|
| Nacemento | 1 de febreiro de 1974 (50 anos) Sabadell, España |
| Residencia | Sabadell |
| Actividade | |
| Ocupación | nadador |
| Deporte | natación |
| Sitio web | davidmeca.com |
 | |
David Meca Medina, nado en Sabadell en 1974, é un nadador catalán de longa distancia en augas abertas.
Traxectoria
[editar | editar a fonte]En 2005 sumaba máis de 100 títulos internacionais en probas de longa distancia en augas abertas, entre eles 28 títulos mundiais, o último dos cales foi o de campión do mundo de longa distancia en 25 quilómetros, nos Mundiais de Natación de Montreal 2005.
Estudou interpretación nos Estados Unidos e fixo pequenas incursións no mundo da interpretación e da moda.
Retos na súa carreira
[editar | editar a fonte]- Alcatraz: primeiro home na historia en unir a nado a Illa de Alcatraz coa baía de San Francisco, nadando con grillóns, entre tiburóns, con temperaturas extremas e fortes correntes, demostrando así que a historia sobre a imposibilidade de escapar de Alcatraz era tan só ...unha lenda.
- Estreito de Xibraltar: conseguiu bater a marca mundial e cruzalo en tan só 2 horas e 29 minutos, en pleno mes de decembro, con ventos de levante e ondas de até 3 metros.
- La Gomera-Tenerife: uniu as dúas illas en tan só 8 horas, nadando entre baleas.
- Tenerife-As Palmas de Gran Canaria: ofreceu un espectáculo único, batendo todas as marcas, nadando 100 quilómetros en 23 horas e 5 minutos, unha demostración de resistencia e intelixencia, nunha loita entre o home e a soidade do océano en condicións ao límite.
- Xàbia-Eivisa: Durante 25 horas e media, nadou os 110 km que separan Xàbia (Alacant) de Eivisa (Illas Baleares); tivo que superar os 12 °C da auga do Mediterráneo no inverno, case 14 horas sen luz natural en mar aberto, picaduras de medusas e unha contractura no brazo dereito.
- Lago Ness: O obxectivo era poder cubrir a nado os 36 km de distancia dun dos lagos máis famosos do mundo. As baixas temperaturas obrigárono a deixar a proba cando levaba percorridos 27,5 km.
